Chwilio'r wefan
English

Diogelwch dŵr ar y traeth

Dewch o hyd i ba draethau a oruchwylir gan achubwyr bywyd, gwybodaeth am faneri diogelwch a llanwau a sut i fod yn achubwr bywyd

Beach lifeguard

Ceir achubwyr bywyd ar bedwar o brif draethau Abertawe

Ceir achubwyr bywyd RNLI ar draethau Caswell, Langland/Rotherslade, Bae Bracelet a Phorth Einon/Horton

Patrolau achubwyr bywyd yn ystod 2017:

Caswell - 29 Ebrill i 4 Medi - 7 niwrnod yr wythnos 10am-6pm

Y Tri Chlogwyn - 8 i 23 Ebrill, 7 niwrnod, 10am - 6pm
                            29 Ebrill, penwythnosau tan hanner tymor, amser llawn yn ystod hanner tymor yna penwythnosau tan 1 Gorffennaf
                            1 Gorffennaf - 4 Medi, 7 niwrnod, 10am - 6pm

Langland/Rotherslade - 29 Ebrill i 4 Medi - 7 niwrnod yr wythnos 10am-6pm

Bae Abertawe - 1 Gorffennaf i 4 Medi - 7 niwrnod yr wythnos 10am-6pm

Porth Einon/Horton - O 29 Ebrill (penwythnosau'n unig) 10am-6pm, yna 7 niwrnod yr wythnos o 27 Mai i 6 Medi 10am-6pm

Bydd achubwyr bywyd yn patrolio rhwng y faner goch a'r faner felen rhwng 10.00am a 6.00pm bob dydd, a byddant ar gael i roi cyngor i bobl sy'n ansicr ynglŷn â'r llanw neu amodau ymdrochi.

Am fwy o wybodaeth am achubwyr bywyd a phatrolau'r RNLI, ewch i wefan yr RNLI.

Ar y traeth

  • Ewch i draeth ag achubwyr bywyd arno bob amser
  • Sicrhewch eich bod yn darllen unrhyw rybuddion
  • Dylech nofio rhwng y baneri coch a melyn - mae achubwyr bywyd yn patrolio yn yr ardal hon.
  • Peidiwch byth â mynd i'r dwr pan fo'r faner goch yn chwifio - coch=perygl!
  • Gofynnwch i'r achubwr bywyd am yr amodau os ydych yn ansicr ble i nofio.
  • Peidiwch â nofio ar eich pen eich hun
  • Dim cyfarpar chwyddadwy - gallant gael eu chwythu allan i'r môr gan y gwynt neu'r cerrynt yn hawdd
  • Byddwch yn ofalus wrth chwarae mewn pyllau trai - gall y creigiau fod yn llithrig

Ansawdd dwr

Mae gan ein holl draethau sydd wedi'u patrolio statws Baner Las sy'n seiliedig ar ansawdd y dwr a glanweithdra, yn ogystal â bodloni meini prawf eraill.

Sicrhewch eich bod yn gwirio amser y llanw cyn ymweld oherwydd gall y llanw ddod i mewn yn gyflym ac efallai y byddwch yn sownd ar draeth. Os nad ydych yn sicr, gofynnwch i'r achubwr bywyd.

Gallwch gael amserau'r llanw, amodau'r tywydd a syrffio, a hyd yn oed eu gweld drosoch chi eich hun ar y gwegamera yn Gower Live.

 

1. Nodwch y peryglonDiogelwch Dwr - Côd Awyr Agored

Gall y rhain gynnwys:

  • Tymereddau oer iawn
  • Cerrynt cudd
  • Dwr sy'n llifo'n gyflym, gwyliwch rhag lociau a choredau
  • Dwr dwfn, gall fod yn anodd amcangyfrif dyfnder y dwr
  • Efallai y bydd sbwriel neu weddillion cudd o dan yr arwyneb a fydd yn gallu dal, rhwygo neu dorri
  • Gall fod yn anodd dianc; gall llethrau fod yn serth, yn llithrig a chwalu'n friwsion
  • Dim achubwyr bywyd, nid oes gan y rhan fwyaf o ddyfrffyrdd awyr agored achubwyr bywyd
  • Gallai llygredd dwr eich gwneud yn sâl

2.  Gwrandewch ar gyngor diogelwch
Dylech fynd i nofio ar draeth lle mae achubwr bywyd yn bresennol lle bynnag y bo'n bosib. Pan nad yw hyn yn bosib, cadwch lygad am faneri (gweler isod) neu rybuddion a fydd yn dweud wrthych yr hyn i'w wneud.

  
(Ffynhonnell: RoSPA)

3. Ewch gyda'ch gilydd
Peidiwch â nofio, pysgota neu fynd ar gwch ar eich pen eich hun.

4. Dysgwch sut i helpu
Os ydych yn gweld rhywun mewn trafferthion, dywedwch wrth achubwr bywyd os oes un gerllaw. Ffoniwch 999 neu 112, os ydych ar y traeth, gofynnwch am achubwr bywyd, neu gofynnwch am yr heddlu.

Peidiwch byth â neidio i'r dwr eich hun i helpu rhywun.

Baneri
Cadwch lygad am y baneri canlynol ar y traeth a fydd yn dweud wrthych a yw'r dwr yn ddiogel i nofio ynddo a ble i beidio â nofio.

Baneri coch a melyn: Bydd achubwr bywyd yn patrolio'r ardal rhwng y ddwy faner hyn. Dyma'r ardaloedd diogel i nofio, corff-fyrddio a defnyddio cyfarpar chwyddadwy ynddynt.

Baneri du a gwyn sgwarog: Bydd achubwyr bywyd yn patrolio'r ardal rhwng y ddwy faner hyn ond mae'r ardal ar gyfer crefft dwr megis byrddau syrffio a chaiacau. Peidiwch byth â nofio na chorff-fyrddio yn yr ardaloedd hyn.

Baneri coch: Mae'r baneri hyn yn dynodi perygl. PEIDIWCH â mynd i'r dwr o dan unrhyw amgylchiadau os gwelwch faneri coch yn hedfan.

Hosanau gwynt oren: Mae'r hosanau gwynt hyn yn dweud wrthych am amodau gwynt alltraeth. PEIDIWCH byth â defnyddio cyfarpar chwyddadwy os bydd yr hosan wynt yn hedfan.

Bod yn achubwr bywyd
Os oes gennych ddiddordeb mewn bod yn achubwr bywyd, cadwch lygad am y cyrsiau rydym yn eu cynnal ar ein tudalen cyrsiau achubwyr bywyd.

Mae Abertawe Actif hefyd yn cynnal cyrsiau Achub Bywyd i ddechreuwyr i blant.

Mae dyletswyddau achubwyr bywyd yn cynnwys:

  • Ymateb cyntaf mewn sefyllfaoedd brys
  • Rhoi cyngor diogelwch cyffredinol ynghylch y traeth
  • Helpu i ddod o hyd i blant neu oedolion sydd ar goll
  • Goruchwyliaeth gyffredinol ar y traeth
  • Patrolio ardaloedd nofio
  • Rhoi cyngor am is-ddeddfau cwn

Cewch fwy o wybodaeth am draethau Bae Abertawe, y Mwmbwls a Gwyr ar ein tudalen draethau, neu trwy ein gwefan dwristiaeth.

 

 

    Wedi'i bweru gan GOSS iCM