Chwilio'r wefan
English
Sofa image

Gwastraff swmpus

Gallwn drefnu i gasglu eitemau swmpus gwastraff cartref sy'n rhy fawr ar gyfer eich bagiau du megis gwelyau, carpedi, oergelloedd, rhewgistiau a chypyrddau dillad.

Trefnir yr holl eitemau a gesglir i gael eu hailddefnyddio neu eu hailgylchu gan Dîm Gweithredu Gwastraff Abertawe.

Mae'n rhaid trefnu a thalu am bob casgliad ymlaen llaw. Gallwn gasglu:

  • 1 i 3 eitem am £17
  • 4 i 6 eitem (uchafswm) am £34

Os yw'n well gennych, gallwch roi eitemau swmpus ailddefnyddiadwy i'n siop ailddefnyddio, neu i elusen leol neu sefydliad ailddefnyddio.

Gallwch gael gwared ar rai eitemau am ddim os ewch chi â nhw i ganolfan ailgylchu gwastraff cartref.

Sut i drefnu a thalu am gasgliad Request online welsh button
Trefnu casgliad gwastraff swmpus ar-lein

Os ydych yn derbyn cymhorthdal incwm, lwfans ceisio gwaith yn seiliedig ar incwm, lwfans cyflogaeth a chymorth yn seiliedig ar incwm neu gredyd pensiwn gwarantedig mae gennych yr hawl i uchafswm o 3 chasgliad ar gyfer hyd at 3 eitem am ddim dros gyfnod o 12 mis.

Nodwch fod angen i eitemau fod allan ar ymyl y ffordd er mwyn eu casglu ar y dyddiad cytunedig. Ni fydd y tîm casgliadau yn dod i mewn i'ch eiddo.

Bydd y casgliad ar yr un diwrnod â'ch casgliadau ailgylchu a sbwriel fel arfer. Rydym yn trefnu bythefnos ymlaen llaw ar hyn o bryd. Unwaith y byddwch wedi trefnu casgliad, byddwn yn eich e-bostio o fewn 3 diwrnod gwaith i gadarnhau'r dyddiad casglu.

Er mwyn sicrhau y cesglir eich eitemau mae'n rhaid i chi:

  • Roi'r eitemau allan y disgrifiwyd gennych wrth drefnu'r casgliad yn unig.
  • Rhoi'r eitemau allan i'w casglu ar ochr y ffordd rhwng 7.00pm y noson cyn eich diwrnod casglu a 7.00am ar fore eich diwrnod casglu.
  • Ceisio cadw eitemau'n sych a pheidiwch â'u gadael allan am amser hir ym mhob tywydd. Os ydych yn gadael eitem allan a allai amsugno dŵr (e.e. matres neu soffa), gorchuddiwch hwy. Gall eitemau gwlyb fod yn rhy drwm i'w codi ac ni chesglir hwy.

NI FYDDWN yn casglu:

  • Eitemau sy'n rhy drwm i'w codi yn ddiogel gan y criw casglu
  • Eitemau o tu mewn i'r eiddo neu'r ardd
  • O eiddo masnachol (busnesau)
  • Gwastraff peryglus, e.e. asbestos, batris ceir, paent, etc
  • Eitemau sy'n cynnwys gwydr neu ddrychau
  • Drysau allanol
  • Darnau gosod fel rheiddiaduron neu switiau ystafelloedd ymolchi
  • Boeleri, poteli nwy neu danciau olew
  • Rwbel adeiladu

Polisi canslo

Mae angen arnom o leiaf 24 awr o rybudd i ganslo casgliad; ar ôl yr amser hwnnw, bydd y criw casglu'n ymrwymedig i'r casgliad a bydd treuliau'n deillio o'r herwydd. Sylwer os mai dydd Llun yw eich diwrnod casglu, bydd angen i ni wybod erbyn 12.00pm ar y dydd Gwener cynt.

Trefnu casgliad gwastraff swmpus ar-lein

Gallwch drefnu casgliad gwastraff swmpus gan ddefnyddio'r ffurflen hon.

Wedi'i bweru gan GOSS iCM