Wind Street

Mae Wind Street, lleoliad allweddol yng nghanol y ddinas, yn derbyn gwelliannau gwerth £3m.

Bydd y gwelliannau'n helpu i ddod â mwynhad newydd i'r cyhoedd a rhagor o fusnes i'r rheini sy'n marchnata yno.

Ar hyn o bryd mae'r stryd wrth wraidd economi nos y ddinas, ond bydd yn newid yn gyrchfan trwy'r dydd a fydd yn cynnig mwy o gyfleoedd i gael hwyl fel teulu, i fwyta ac i gwrdd am goffi.

Bydd yn chwarae rôl allweddol yn stori adfywio ehangach canol y ddinas gwerth £1bn.

Y nod yw cyfyngu'r traffig ar Wind Street i nifer cyfyngedig o oriau bob dydd, a hynny ar gyfer llwytho yn unig. Mae gorchymyn traffig arbrofol sy'n adlewyrchu hyn ar waith ar hyn o bryd. Bydd yn parhau i fod yn system draffig unffordd.

Rydym am i fwytai, bariau a chaffis gynnig cyfleoedd i chi gwrdd a chymdeithasu mewn ardaloedd awyr agored yn ogystal ag ardaloedd dan do. Bydd gan y stryd ardal wastad sy'n addas i ddefnyddwyr anabl a cherddwyr.

Mae'r goleuadau'n cael eu gwella, bydd coed newydd ac ardaloedd wedi'u plannu, rhagor o leoedd i eistedd ac ymlacio, a bydd mwy o olau naturiol yn cyrraedd y stryd fel y gallwch fwynhau adeiladau arbennig yr ardal gadwraeth hon. Caiff bioamrywiaeth ei gwella.

Y nod yn y pen draw yw creu cyrchfan i deuluoedd sy'n groesawgar, yn ddiogel ac yn bleserus i ymwelwyr a busnesau wrth hefyd gydnabod anghenion a dymuniadau preswylwyr o bob gallu.

Bydd:

mwy o bwyslais ar flaenoriaethu cerddwyr i gefnogi busnesau yn ystod y dydd a chyda'r nos;
mwy o droedffyrdd, gyda'r cyfan ar un lefel a gwelliannau i'r troedffordd a'r ffordd gerbydau;
goleuadau cyhoeddus newydd, goleuadau bach newydd yn y coed, celfi stryd a mwy o isadeiledd gwyrdd;
mwy o ardaloedd eistedd i greu awyrgylch sy'n fwy addas i deuluoedd.

Sut bydd yn edrych