English

Gwobrau Rho 5

Mae Gwobrau Rho5 yn gwobrwyo plant a phobl ifanc mwyaf ysbrydolus Abertawe.

Un o sêr yr Elyrch, Leon Britton, fydd yn arwain y gwobrau unwaith eto, ac eleni bydd Siany Martin, cyd-gyflwynydd rheolaidd Rho 5 yn ymuno ag ef, yn ogystal â chwaraewr pêl-droed rhyngwladol y Gweilch a Chymru, James King.

Mae'r tri'n annog pawb i ystyried enwebu person ifanc, grŵp o bobl ifanc neu ddosbarth ysgol sydd wedi goresgyn adfyd neu sydd wedi gwneud eu hysgol neu eu cymuned yn falch ohonynt.

Llysgennad Rho 5 Leon Britton

Meddai Leon, "Dechreuodd Rho 5 gyda'r nod o ddangos pa mor ysbrydolus yw plant a phobl ifanc yn y ddinas hon. Flwyddyn ar ôl blwyddyn mae eich enwebiadau yn ein helpu i brofi bod hyn yn wir. Trwy ymdrechu i fod y gorau a gweithio'n galed, mae'r plant a'r bobl ifanc sydd wedi'u henwebu yn ysbrydoliaeth i eraill, yn glod iddynt eu hunain, eu cymunedau neu'u hysgolion, ac yn haeddu cydnabyddiaeth."

Llysgennad Rho 5 James King

Meddai James, sydd wedi dathlu chwarae'i 200fed gêm i'r Gweilch yn ddiweddar, "Mae Gwobrau Rho 5 yn ddigwyddiad anhygoel ac rwy'n falch o ymuno â Leon fel llysgennad am y tro cyntaf."

Trefnir digwyddiad Gwobrau Rho 5 gan Gyngor Abertawe ac fe'i gwneir yn bosib drwy gymorth gan ein noddwyr a'n cefnogwyr hael.