Dathlu 25 mlynedd o ragoriaeth chwaraeon

Cynhaliwyd y digwyddiad hwn yn Neuadd Brangwyn, lle roedd 500 o bobl yn bresennol i ddathlu cyflawniadau chwaraeon yn y ddinas yn 2024.

Cyflwynwyd mwy na 100 o enwebiadau ar draws 15 categori wrth i'r gwobrau ddathlu eu 25ain flwyddyn. Roedd y rhai hynny a gyrhaeddodd y rhestr fer yn cynrychioli amrywiaeth eang o glybiau a gweithgareddau cymunedol.

Meddai'r Cynghorydd Robert Francis-Davies, Aelod Cabinet Cyngor Abertawe dros Fuddsoddi, Adfywio, Digwyddiadau a Thwristiaeth, "Unwaith eto, mae'r gwobrau hyn wedi dangos graddau'r doniau chwaraeon ledled y ddinas.

"Roedd yn fraint bod yn dyst i orfoledd y rhai hynny a oedd yn bresennol yn y digwyddiad ac yn galonogol gweld unigolion, timau a hyfforddwyr yn derbyn cydnabyddiaeth am eu cyfraniad at chwaraeon yn Abertawe. Mae tîm Chwaraeon ac Iechyd y cyngor yn estyn ei ddiolchgarwch i'r rhai hynny a enwebodd eu pencampwyr chwaraeon ar gyfer 2024.

"Mae'r enillwyr yn cynnwys gwirfoddolwyr a hyfforddwyr ymroddedig sy'n cyfrannu oriau di-rif y tu ôl i'r llenni, yn ogystal â thimau ac unigolion ymroddedig sy'n rhagori yn eu campau.

"Mae chwaraeon a gweithgarwch corfforol yn gwneud cyfraniad hollbwysig a chadarnhaol at iechyd a lles pobl. Dyma'r rheswm pam mae'r cyngor yn parhau i fuddsoddi yn isadeiledd chwaraeon y ddinas mewn cydweithrediad â'n partneriaid, gan gynnwys hwb cyffrous gwerth miliynau i sglefrfyrddio a champau BMX, gan sicrhau bod gan genedlaethau'r dyfodol fynediad cyfartal at gyfleusterau chwaraeon ledled y ddinas."

Enillwyr gwobrau:

Person Ifanc Ysbrydoledig y Flwyddyn(a noddir gan ArvatoConnect)

Charley Davies

Gwirfoddolwr y Flwyddyn (a noddir gan John Pye Auctions)

Weixin Liu

Hyfforddwr Cymunedol y Flwyddyn (a noddir gan Chwaraeon Cymru)

James Salter 

Hyfforddwr Perfformiad y Flwyddyn (a noddir gan Fae Abertawe)

Sophie Bevan 

Gwobr Cydnabyddiaeth Arbennig (a noddir gan y Cynllun Hamdden Actif i Bobl 60+ oed)

Carima Heaven & Michael Thomas 

Chwaraewr Iau'r Flwyddyn (a noddir gan Tomato Energy)

Lewie Jones

Chwaraewraig Iau'r Flwyddyn (a noddir gan Tomato Energy)

Olivia Roberts 

Tîm Ysgol y Flwyddyn (a noddir gan Goleg Gŵyr Abertawe)

Bishopston Comprehensive Under 13s Boys Football Team 

Clwb neu Dîm Iau y Flwyddyn (a noddir gan Peter Lynn & Partners)

Judo Swansea Junior Team

Clwb neu Dîm Hŷn y Flwyddyn (a noddir gan Day's Motor Group)

Celtic Tri 

Gwobr Annog Abertawe Actif (a noddir gan Gynllun Cyn-ysgol Iach a Chynaliadwy Abertawe)

Frenz Pickleball 

Cyfraniad Oes i Chwaraeon (a noddir gan Freedom Leisure)

Keith Thomas & Karen Trussler 

Chwaraewr Iau ag Anabledd y Flwyddyn (a noddir gan Stowe Family Law)

Zac Thomas 

Chwaraewr ag Anabledd y Flwyddyn (a noddir gan Spartan Scaffolding Solutions)

Benjamin Pritchard

Chwaraewr y Flwyddyn (a noddir gan McDonald's)

Rachel Rowe 

Bydd enwebiadau ar gyfer Gwobrau Chwaraeon Abertawe 2025 yn agor yn ddiweddarach eleni. Gweler y wefan ar gyfer rhagor o wybodaeth: https://www.croesobaeabertawe.com/chwaraeon-ac-iechyd/