Pennod newydd yn dechrau ar gyfer Maes Awyr Abertawe

Mae'r gweithredwr newydd, Swansea Airport Stakeholders' Alliance, wedi dechrau gwaith yn y cyfleuster heddiw yn dilyn sgyrsiau lefel uchel â pherchennog y tir, Cyngor Abertawe.

Mae Swansea Airport Stakeholders' Alliance wedi cymryd cyfrifoldeb am y cyfleuster ar Gomin Fairwood dros dro, ar ôl i'r lesddeiliad blaenorol gytuno i ildio ei brydles. 

Bydd y maes awyr yn parhau i weithredu a bydd y Cyngor yn dechrau ar y broses o ddod o hyd i denant tymor hir yn fuan.

Meddai Arweinydd y Cyngor Rob Stewart, "Rydym yn gyffrous iawn bod y grŵp yn gweithredu fel lesddeiliad newydd dros dro. Mae wedi dechrau cynnal y maes awyr ac mae ei aelodau'n awyddus i lwyddo."

Meddai Dirprwy Arweinydd ar y cyd y Cyngor David Hopkins, "Byddwn yn dechrau chwilio am ateb tymor hir drwy broses dendro gystadleuol. Bydd y grŵp, ynghyd ag eraill, yn cael y cyfle i gyflwyno cynnig yn ystod y broses honno. Bydd cyfleoedd i fuddsoddi ym Maes Awyr Abertawe yn y dyfodol."

Cyngor Abertawe yw landlord Maes Awyr Abertawe.

Mae materion gyda'r tenant blaenorol wedi arwain at roi terfyn ar y brydles bresennol.

Llun: Arweinydd Cyngor Abertawe, Rob Stewart, a Chadeirydd Swansea Airport Stakeholders' Alliance, Bob Oliver, yn y maes awyr. Llun: Cyngor Abertawe