Cymorth ar gael ar gyfer digwyddiadau sy'n dod â chymunedau ynghyd
Mae grwpiau cymunedol sy'n gweithio i ddatblygu digwyddiadau cynhwysol neu leoedd ar gyfer cymunedau yn Abertawe bellach yn gallu gwneud cais am gyllid.
Mae Llywodraeth Cymru wedi darparu cyllid i gefnogi sefydliadau a'u prosiectau.
Gellir defnyddio grantiau i hyrwyddo neu greu digwyddiadau sy'n ymwneud â themâu penodol fel Mis Hanes Pobl Ddu neu Ddiwrnod Cofio'r Holocost, neu ar gyfer digwyddiadau sy'n helpu cymunedau i fynd i'r afael â thensiynau a chwalu rhwystrau.
Meddai Aelod Cabinet Cyngor Abertawe dros Les, Alyson Anthony, "Diben y grantiau hyn yw darparu digwyddiadau a gweithgareddau sy'n benodol ar gyfer dod â phobl o gymunedau gwahanol ynghyd i feithrin ymdeimlad ehangach o gymuned a pherthyn.
"Dylai cynigion ystyried sut mae gweithgareddau'n cefnogi integreiddio, yn mynd i'r afael ag unigrwydd a theimlo'n ynysig, yn nodi cyffredinrwydd drwy ddiddordebau a phrofiadau a rennir, ac yn dathlu diwylliant a threftadaeth yr ardal."
Gall ymgeiswyr gyflwyno cais drwy e-bostio Lara.Rowlands@abertawe.gov.uk i ofyn am ffurflen gais.
Rhannu'r dudalen hon
Argraffu
