Abertawe'n barod i groesawu Parc Cefnogwyr Cwpan y Byd
Mae Cwpan y Byd Pêl-droed yn agosáu - a bydd Parc y Cefnogwyr Abertawe yn cyfarch cefnogwyr ym Mharc Singleton.
O 20 Tachwedd, disgwylir iddo ddangos gemau mewn pabell fawr wedi'i thwymo, gyda 2,500 o seddi.
Mae'r atyniad - a gynhelir gan Fan Parks UK Group - yn bwriadu darparu cyfleusterau o safon uchel mewn amgylchedd cyfeillgar a diogel a fydd yn berffaith ar gyfer mwynhau amser rhydd gyda ffrindiau, teulu a chydweithwyr.
Dywed y trefnwyr y gall ymwelwyr ddisgwyl cyfuniad arbennig o gyflenwyr bwyd lleol, diodydd o far llawn stoc, adloniant, croesawyr, enwogion pêl-droed a mwy.
Meddai cyfarwyddwr Fan Parks, Jostein Ansnes, "Ein nod yw creu digwyddiad hwyliog gyda chyfleusterau rhagorol. Pêl-droed fydd y ffocws, a bydd croeso i bawb.
Meddai Aelod Cabinet y cyngor Robert Francis-Davies,"Rydym yn falch y bydd gan Abertawe ei Barc Cefnogwyr ei hun - yr unig un o'i fath yng Nghymru. Bydd yn ategu masnach lletygarwch benigamp bresennol y ddinas.
"O'n trafodaethau â Fan Parks, gwyddwn eu bod am weithio gyda'n cymunedau; byddant yn cyflogi pobl leol ac yn defnyddio cyflenwyr a gwasanaethau lleol lle bynnag y bo modd.
"Rydym yn edrych ymlaen at adeiladu partneriaeth barhaus â nhw."
Rhagor: www.bit.ly/FPswansea22
Dewis iaith
Rhannu'r dudalen hon
Argraffu
