Freedom Leisure yn ennill gwobrau nofio mawreddog

Mae Freedom, sy'n rheoli 29 canolfan hamdden ar draws Cymru gan gynnwys lleoliadau'r cyngor fel LC Abertawe, hefyd wedi ennill y Wobr Gynaliadwyedd.
Nofio Cymru yw corff llywodraethu cenedlaethol y wlad ar gyfer campau dŵr. 

Mae gan Freedom Leisure dros 12,000 o nofwyr sy'n cymryd rhan yn rhaglen Dysgu Nofio Cymru gyda thîm medrus iawn o hyfforddwyr sy'n addysgu plant ac oedolion.

Meddai'r Prif Swyddog Gweithredol, Ivan Horsfall Turner, "Rydym yn darparu profiad gwych ac yn cefnogi pobl i fagu hyder wrth ddysgu sgil bywyd sy'n arwain at foddhad, diogelwch a hwyl yn y dŵr."

Roedd y wobr gynaliadwyedd yn canolbwyntio ar fesurau Freedom i leihau'r defnydd o ynni. Mae hyn wedi arwain at arbediad ynni sy'n gyfwerth â chynnal canolfan hamdden maint canolig gyda phwll nofio am bedair blynedd. Roedd allyriadau carbon wedi gostwng 395 tunnell. 

Meddai Aelod Cabinet Cyngor Abertawe, Robert Francis-Davies, "Llongyfarchiadau i'n partneriaid Freedom Leisure.

"Rydym wedi buddsoddi miliynau o bunnoedd yn ein canolfannau hamdden ac rydym yn falch iawn eu bod yn cael eu defnyddio'n feunyddiol gan breswylwyr ac ymwelwyr."