Mae amser yn brin. Archebwch eich basged grog yn awr!
Mae amser yn brin i breswylwyr sy'n bwriadu sicrhau bod yr haf yn fwy lliwgar gydag ychydig o help gan wasanaeth basgedi crog bythol boblogaidd Cyngor Abertawe.
Mae bron 1,100 o fasgedi eisoes wedi'u gwerthu a bydd rhyw 20 o blanhigion wedi'u plannu ymhob un gan gynnwys y petwnias 'Sanguna Banana Candy', a 'Surfinia Hot Pink', y begonias 'Red Illumination' ac 'Illumination Apricot Shades' y ferfain 'Lanai Blue Eyes' a'r a'r Siani Lusg Lysimachia Nummularia Goldii.
Y llynedd danfonwyd 1,300 o fasgedi i gartrefi a busnesau, a chafodd eraill eu hongian oddi ar bolion lampau a'u gosod mewn cafnau blodau mewn cymunedau ar draws y ddinas.
Mae'r tymor tyfu newydd ddechrau a disgwylir i'r basgedi gael eu danfon ym mis Mai, gyda phob un yn para tan fis Hydref os yw pobl yn gofalu amdanynt. Bydd pob basged yn 35cm (14 modfedd) mewn diamedr.
Os ydych chi'n prynu basged grog fel anrheg, mae'r wefan yn cynnig yr opsiwn i lawrlwytho cerdyn rhodd ar gyfer y derbynnydd.
Ewch i www.abertawe.gov.uk/basgedicrog am fanylion archebu.
Dewis iaith
Rhannu'r dudalen hon
Argraffu
