7 peth i'w gwneud yn Abertawe yr hanner tymor hwn

Gall gweithgareddau lleol ddiddanu teuluoedd, dan do ac yn yr awyr agored, ac mae nifer maawr ohonynt am ddim, yn ôl Cyngor Abertawe.

Meddai Aelod Cabinet y cyngor, Robert Francis-Davies, "Gyda'r dyddiau'n oleuach am fwy o amser, does dim amser gwell i fwynhau'r holl bethau difyr sydd gan y ddinas i'w cynnig.

Mae syniadau'n cynnwys:

Ymweld ag Oriel Gelf Glynn Vivian - Yma gallwch weld yr arddangosfa ddiweddaraf wrth i'r oriel gyflwyno cipolwg y tu ôl i'r llenni ar gyfres deledu arobryn y BBC a HBO, His Dark Materials.

Galw heibio Amgueddfa Abertawe- yma bydd cyfle i gymryd rhan yn Llwybr Dirgelwch yr Amgueddfa: Montogery Bonbon Kids in Museums. Mae'r llwybr ar agor tan ddydd Gwener 31 Mawrth.

Galw heibio Canolfan Dylan Thomas - dyma leoliad arall sy'n cymryd rhan yn nigwyddiad Llwybr Diogelwch yr Amgueddfa: Montgomery Bonbon Kids in Museums, a bydd amrywiaeth o weithgareddau hunanarweiniedig ar gael yma hefyd

Pori yng nghanol llyfrau un o 17 o lyfrgelloedd Abertawe - Mae gan wasanaeth llyfrgell uchel ei barch y cyngor wythnos orlawn o weithgareddau difyr i ddiddanu teuluoedd yr hanner tymor hwn. Cysylltwch â'ch llyfrgell leol am fanylion.

Mynd am dro i fwynhau un o lwybrau cerdded Abertawe - mae gan Abertawe 400 milltir o lwybrau hawliau tramwy sy'n addas i bob oedran, gallu a lefel ffitrwydd.

Mynd ar gefn beic a beicio ar hyd un o rwydweithiau beicio Abertawe - mae gan Fae Abertawe ddigonedd o lwybrau beicio heb draffig. Beiciwch ar hyd y prom!

Dathlu diwylliant yng Ngŵyl Croeso Abertawe - cynhelir yr ŵyl yn Sgwâr y Castell ddydd Gwener 24 Chwefror a dydd Sadwrn 25 Chwefror. Mae'r digwyddiad yn dathlu popeth Cymreig.

Rhagor o wybodaeth: croesobaeabertawe.com