Theatr Awyr Agored yn dychwelyd i Abertawe

Cyngor Abertawe sy'n rheoli'r castell, gyda chymorth gwirfoddolwyr ac mae'n edrych ymlaen at groesawu Tinkerbell a'r bechgyn coll pan gaiff drama Peter Pan ei pherfformio brynhawn dydd Mercher 7 Awst, am 2pm.

Drannoeth, am 7pm, llwyfennir drama ramantus Romeo and Juliet i selogion Shakespeare. Trefnir y digwyddiadau gan y Cyngor.

Bydd pawb sy'n prynu tocynnau ar gyfer Theatr Awyr Agored yn cael tocyn hanner pris i fynd i mewn i'r castell o 8 i 16 Awst.

Meddai Aelod Cabinet y Cyngor, Robert Francis-Davies, "Mae Theatr Awyr Agored bob amser yn boblogaidd iawn yng Nghastell Ystumllwynarth. Hoffwn ddiolch i noddwyr y digwyddiad, holidaycottages.co.uk."

Meddai Serena Pearce, rheolwr cymunedau rhanbarthol y cwmni, "Rydym wedi ymrwymo i gefnogi'r cymunedau lleol rydym yn gweithio gyda nhw a lle'r ydym yn cynnal bythynnod gwyliau. Mae ein tîm yn ein swyddfa leol yn y Mwmbwls yn edrych ymlaen at weld llwyddiant y digwyddiadau Theatr Awyr Agored."

Mae Castell Ystumllwynarth ar agor o ddydd Mercher i ddydd Llun, o 11am i 5pm (mynediad olaf am 4.30pm)

Anogir y sawl sy'n mynd i berfformiadau Theatr Awyr Agored i bacio picnic ar gyfer y sioeau neu ddefnyddio siopau, bwytai, bariau, caffis a pharlyrau hufen iâ lleol.

Rhagor