Ar werth: Lleoliad gwych ar lan yr afon ger canol y ddinas

Mae lleoliad Glanfa Pipehouse yn gartref i ddepo gwasanaethau cerbydau Cyngor Abertawe ar hyn o bryd, ac mae'r awdurdod yn bwriadu gadael y safle eleni.

Mae'r tir, rhwng pen deheuol Morfa Road ac afon Tawe,  bellach yn cael ei farchnata gan werthwyr y cyngor, Knight Frank. Bydd yr arian a godir yn cael ei ddefnyddio i helpu i gynnal gwasanaethau hanfodol y cyngor.

Meddai Arweinydd y Cyngor, Rob Stewart, "Mae Glanfa Pipehouse yn gyfle ailddatblygu deniadol. Mae'n addas ar gyfer ystod o ddefnyddiau ac rwy'n annog partïon â diddordeb i siarad â'n gwerthwyr."

Maint safle depo Glanfa Pipehouse yw 1.75 hectar (4.33 erw), ac mae tua chwarter milltir o Orsaf Drenau'r Stryd Fawr. Mae'r safle'n betryalog ac mae'n gymharol wastad.

Bydd yn rhaid i unrhyw ddatblygiad arfaethedig ddilyn y broses gynllunio ffurfiol.

Dylid cyflwyno cynigion ar gyfer y safle erbyn canol dydd ar 10 Gorffennaf.

Mae'r cyngor yn bwriadu gadael safle Glanfa Pipehouse eleni a symud i gyfleuster depo canolog newydd a fydd yn cael ei rannu gyda busnes Dr Organics yn ardal fenter Abertawe. Ymgynghorir ag aelodau staff y cyngor.

Yn y cyfamser, nid oes unrhyw benderfyniad wedi'i wneud ynghylch depo Home Farm y cyngor. Ar hyn o bryd, nid oes gan y cyngor unrhyw gynnig i waredu nac ailddatblygu'r safle hwnnw.

Llun: Glanfa Pipehouse, Bae Abertawe a chanol y ddinas.