Toglo gwelededd dewislen symudol

Mae Abertawe'n chwifio'r faner borffor eto yn 2025

Mae Abertawe wedi cadw ei statws Baner Borffor am y 11fed flwyddyn yn olynol!

Purple Flag 2025

Purple Flag 2025

Mae'r achrediad yn cydnabod ymrwymiad i greu economi gyda'r hwyr a'r nos ddynamig, diogel a bywiog.

Mae'n tynnu sylw at gymysgedd o adloniant, ciniawa a diwylliant Abertawe - gan sicrhau diogelwch a lles pobl ar yr un pryd.

Mae'r partneriaid sy'n rhan o reoli economi gyda'r hwyr a'r nos Abertawe'n cynnwys Cyngor Abertawe, BID (Ardal Gwella Busnes) Abertawe, Heddlu De Cymru, Swyddfa Comisiynydd yr Heddlu a Throseddu, Gwasanaeth Tân Canolbarth a Gorllewin Cymru, bugeiliaid stryd Abertawe, Fforwm Lletygarwch a 'Pub and Club Watch' Abertawe, Ambiwlans Sant Ioan Cymru, Prifysgol Abertawe Prifysgol Cymru y Drindod Dewi Sant, busnesau canol y ddinas a Bwrdd Iechyd Prifysgol Bae Abertawe.

Meddai Aelod Cabinet y Cyngor, Robert Francis-Davies, "Mae'r bartneriaeth yn gweithio'n galed ar gadw pobl yn ddiogel - ac mae hyn yn golygu y gall mentrau ffynnu fel bod pawb yn cael amser allan da mewn amgylchedd diogel.

Meddai Andrew Douglas, rheolwr BID Abertawe, "Rydym yn gweithio'n ddiflino gyda'r cyngor, yr heddlu, lleoliadau ac eraill i sicrhau y gall ymwelwyr fwynhau lleoliadau bwyd a diod gwych Abertawe'n ddiogel."

Meddai Pennaeth Cymunedau a Phartneriaethau Heddlu De Cymru, Mark Kavanagh, "Mae'r ffaith bod Abertawe wedi cadw ei statws Baner Borffor am flwyddyn arall yn newyddion gwych ac yn adlewyrchu'r gwaith a wneir gan Bartneriaeth Abertawe Mwy Diogel."

Llun: Jess, ar y chwith, a Havana o Peppermint Bar & Kitchen, Wind Street.

Rhannu'r dudalen hon

Eicon Facebook Eicon Twitter Eicon e-bost

Argraffu

Eicon argraffu
Addaswyd diwethaf ar 01 Gorffenaf 2025