Dewch i weithdai i drafod mwy o gynlluniau i wella parciau sglefrio

Cynhelir gweithdai ddydd Sadwrn 23 Tachwedd lle gall sglefrfyrddwyr, pobl sy'n dwlu ar chwaraeon ar olwynion ac aelodau'r cyhoedd roi adborth ar gynlluniau cynnar ar gyfer ardaloedd parciau sglefrio yng Nghanolfan y Ffenics yn ardal Townhill, Mynydd Newydd ym Mhen-lan a Choed Bach ym Mhontarddulais.

Dyma fanylion y gweithdai a drefnwyd ar gyfer pob datblygiad arfaethedig:

Parc Sglefrio Townhill

10.00am - 11.30pm - Canolfan y Ffenics, Townhill (gofynnwch wrth y Dderbynfa pan fyddwch yn cyrraedd) - Powys Avenue, Townhill, Abertawe SA1 6PH

Parc Sglefrio Mynydd Newydd

12.30pm - 2.00pm - Canolfan Hamdden Pen-lan, Pen-lan (gofynnwch wrth y Dderbynfa pan fyddwch yn cyrraedd) - Heol Gwyrosydd, Pen-lan, Abertawe SA5 7BU

Parc Sglefrio Coed Bach

3.00pm - 4.30pm - Sefydliad y Mecanyddion, Pontarddulais (prif neuadd) - 45 St Teilo Street, Pontarddulais, Abertawe SA4 8SY

Bydd gwelliannau arfaethedig i'r tri pharc sglefrio hyn yn rhan o fuddsoddiad gwerth £2 filiwn gan Gyngor Abertawe mewn cyfleusterau sglefrfyrddio a chwaraeon ar olwynion ar draws y ddinas.