Mis i fynd nes y bydd globau Abertawe'n cael eu cyflwyno
Mae pobl Abertawe ar fin mynd ar daith ddarganfod ar hyd llwybr celf gyhoeddus sy'n archwilio'u hanes cyffredin - a sut y gall pob un ohonom helpu i wneud cyfiawnder hiliol yn realiti.
Rhwng 13 Awst a 31 Hydref, bydd prosiect The World Reimagined yn trawsnewid strydoedd canol y ddinas gyda'i lwybr am ddim o gerfluniau glôb. Caiff pob un ei ddylunio gan artist unigol.
Bydd y llwybr yn cael ei gyflwyno ar yr un pryd â llwybrau mewn chwe dinas arall yn y DU, wrth i The World Reimagined wahodd pobl i gydnabod yr hanes hwn, a chefnogi gwaith gweithredwyr a sefydliadau cymunedol gwych.
Wedi'u cefnogi gan y cyngor, bydd y globau'n dod â phobl, teuluoedd a chymunedau at ei gilydd i siarad am sut rydym yn deall ein hanes, sut mae ein gorffennol yn llunio ein dyfodol a sut gallwn weithredu dros newid cymdeithasol.
Meddai Aelod Cabinet y cyngor, Elliott King , "Mae The World Reimagined yn creu cyfleoedd ar gyfer artistiaid, sefydliadau lleol, colegau, ysgolion a chymunedau ar draws y ddinas.
"Maen nhw'n cymryd rhan, a chaiff eu gwaith ei fwynhau gan filoedd o ymwelwyr â chanol y ddinas."
Mae'r llwybrau'n rhan o raglen ehangach sy'n annog ac yn cefnogi sgyrsiau ynghylch cyfiawnder hiliol sydd eisoes yn digwydd yn Abertawe.
Llun: Etifeddiaeth wedi'i dwyn, glôb Abertawe.
Rhannu'r dudalen hon
Argraffu
