Disgyblion yn cymryd rhan mewn her cerdded i'r ysgol ddifyr
Mae tair ysgol gynradd yn Abertawe yn cymryd rhan mewn her ddifyr â'r nod o annog rhagor o ddisgyblion i gerdded, sgwtera neu feicio i'r ysgol i wella'u hiechyd a lleihau tagfeydd a llygredd y tu allan i gatiau'r ysgol.
Mae ysgolion Whitestone a'r Grange yn West Cross, ynghyd â Mayals i gyd wedi cofrestru ar gyfer yr her Cerdded i'r Ysgol - menter genedlaethol i leihau teithiau car gan ddisgyblion a'u teuluoedd.
Bob bore mae disgyblion yn adrodd am sut y teithion nhw i'r ysgol gan ddefnyddio olrheiniwr teithio rhyngweithiol.
Os yw disgyblion yn cerdded, yn sgwtera neu'n beicio o leiaf unwaith yr wythnos, bob wythnos am fis, maen nhw'n ennill bathodyn ac mae un gwahanol i'w gasglu bob mis.
Mae Rebecca Fogarty, Cynghorydd Hyrwyddwr dros Gludiant Abertawe, wedi gweithio gyda'r tair ysgol fel y gallant gymryd rhan.
Roedd Aelod Cabinet y Cyngor dros Addysg, Robert Smith ac Aelod y Cabinet dros yr Amgylchedd ac Isadeiledd, Andrew Stevens wedi ymuno â hi ar ymweliad ag ysgol Whitestone i weld sut mae'r cynllun yn gweithio.
Meddai'r Cyng. Fogarty, "Roedd gweld brwdfrydedd y disgyblion wedi creu argraff fawr arnom a hoffwn ddiolch i aelodau o'r ysgol a ddangosodd i ni sut maent yn cofnodi eu teithiau i'r ysgol bob dydd."
Dewis iaith
Rhannu'r dudalen hon
Argraffu
