Chwilio'r wefan
English
Information

Canclwm Japan

Mae canclwm Japan yn rhywogaeth ymledol o blanhigyn a dyma'r cyflymaf ei dwf yn y DU.

Gall canclwm dyfu bron unrhyw le ac mae'n achosi llawer o broblemau, gan gynnwys colli rhywogaethau planhigion brodorol, difrod ffisegol, lledaeniad buan, gostyngiad mewn gwerthoedd tir ac anhawster cael morgeisi.

Mae canclwm yn tyfu bron ym mhob cynefin a math o bridd ac nid yw ei dwf yn dibynnu ar hinsawdd. Yn Abertawe, mae i'w weld ar draethau, glaswelltir, tir gwlyb, ar hyd cyrsiau dŵr, mewn gerddi, tir diffaith, mynwentydd ac argloddiau a gwrychoedd rheilffyrdd.

PDF Document Sut olwg sydd ar ganclwm Japan? (PDF, 892KB)Yn agor mewn ffenest newydd

Rheoli Canclwm Japan

Mae'n anodd iawn cael gwared ar ganclwm Japan yn llwyr oherwydd gall hyd yn oed darnau bach o'r planhigyn dyfu'n blanhigion newydd.

Rydym yn cynnig gwasanaeth i dirfeddianwyr i helpu i reoli canclwm Japan rhag lledaenu.

Sylwer: Oherwydd adeg y flwyddyn a'r tywydd, ni fyddwn yn darparu dyfynbrisiau ar gyfer trin canclwm â chwynladdwr mwyach eleni. Mae hyn oherwydd bod y canclwm yn gwywo'n naturiol adeg hon y flwyddyn gan ei fod e'n blanhigyn llysieuol ac ni fydd y chwynladdwr yn gweitho. Dewch yn ôl yn y gwanwyn pan fydd y gwasanaeth yn ailddechrau.

Wedi'i bweru gan GOSS iCM