Teithiau treftadaeth yn boblogaidd iawn gyda phobl sy'n dwlu ar hanes yn Abertawe

Roedd gwirfoddolwyr sy'n hyrwyddo hanes hen Waith Copr yr Hafod-Morfa yn cynnig teithiau llawn gwybodaeth o ddau adeilad hanesyddol ar y safle - a chafodd y 180 o leoedd eu llenwi'n gyflym.

Cefnogodd Gyngor Abertawe'r digwyddiad - a drefnwyd gan Gyfeillion Gwaith Copr yr Hafod-Morfa - drwy agor Peiriandai Musgrave a Vivian. Roedd y cyngor yn rhan o'r gwaith i'w hachub yn ystod y blynyddoedd diwethaf.

Maent yn aros am ddatblygiad pellach fel rhan o waith y cyngor i adfywio'r ddinas gwerth £1 biliwn.

Agorwyd y digwyddiad a gynhaliwyd dros y penwythnos yn swyddogol gan Arweinydd y Cyngor, Rob Stewart.Meddai, "Rydym yn bwriadu dechrau defnyddio'r peiriandai yn ystod y blynyddoedd sydd i ddod - rydym wedi sicrhau buddsoddiad i helpu i ddatblygu atyniad treftadaeth i ymwelwyr a chaffi."

Meddai cadeirydd y Grŵp Cyfeillion,Tom Henderson, "Roedd yn gyffrous i groesawu cynifer o bobl i'r peiriandai a warchodwyd yn ddiweddar - mae'r ddau yn rhan allweddol o hanes creu copr yr ardal."

Roedd y digwyddiad yn rhan o gynllun Drysau Agored Cadw. Rhoddwyd cymorth i Ddistyllfa Penderyn a Rowecord Total Access Ltd.

Cwm Tawe Isaf oedd prif ganolfan mwyndoddi copr y byd yn ystod y 18fed ganrif. Mae'r cyngor yn arwain ei waith adfywio gyda chymorth partneriaid a chyllid gan ffynonellau megis rhaglen Codi'r Gwastad Llywodraeth y DU.

I gael manylion am ddigwyddiadau yn y dyfodol, e-bostiwch y Cyfeillion.