Pobl ifanc Plas-marl yn dathlu eu hardal chwarae wedi'i thrawsnewid

Mae'r ardal chwarae ym Mharc Cwm Lefel ym Mhlas-marl wedi'i thrawsnewid o fan agored diflas i hafan ar gyfer teuluoedd lleol sy'n chwilio am fan diogel i'w plant chwarae a chwrdd â ffrindiau ynddo.

Mae'r ardal chwarae yn un o fwy na 50 o gymdogaethau ar draws y ddinas sydd wedi elwa o raglen uwchraddio ardaloedd chwarae gwerth £7m Cyngor Abertawe ac fe'i hagorwyd yn swyddogol gan Arweinydd y Cyngor, Rob Stewart.

Mae'r ardal chwarae hon yn cynnwys siglenni, rowndabowt ac uned aml-chwarae yn ogystal â thrampolîn a chyfarpar chwarae arall i bobl ifanc eu mwynhau. Mae hefyd meinciau picnic ac ardaloedd eistedd newydd lle gall y plant neu eu rhieni a'u gofalwyr gael seibiant neu sgwrs.

I gael rhagor o wybodaeth am fuddsoddiad mwyaf erioed y Cyngor mewn ardaloedd chwarae, ewch i: https://www.abertawe.gov.uk/lleoeddchwaraenewydd