English

Gorfodi cynllunio

Mae gorfodi cynllunio yn archwilio honiadau o dorri rheolaeth gynllunio â'r nod o'u datrys drwy ddefnyddio'r dulliau neu'r camau gweithredu mwyaf priodol. Mae'r is-adran yn gyfrifol am orfodi'r holl reolau sy'n ymwneud â materion cynllunio, gan gynnwys mwynau.

Beth yw ystyr torri rheolaeth gynllunio?

Mae Deddf Cynllunio Gwlad a Thref 1990 yn diffinio torri rheolaeth gynllunio fel:

"cyflawni datblygiad heb y caniatâd cynllunio gofynnol, neu fethu â chydymffurfio ag unrhyw amod neu gyfyngiad a osodwyd pan gyflwynwyd y caniatâd cynllunio."

Enghreifftiau o dorri rheolaeth gynllunio:

Cyflawni gwaith adeiladu, gweithrediadau peirianneg a newidiadau defnydd materol heb ganiatâd cynllunio pan fo gofyn cael caniatâd cynllunio
Datblygiad sydd wedi cael caniatâd cynllunio, ond nid yw'n cael ei gyflawni yn unol â'r cynlluniau cymeradwy
Methu cydymffurfio ag amodau neu delerau'r cytundeb cyfreithiol sydd ynghlwm â chaniatâd neu gydsyniad
Hysbysebion y mae'n rhaid cael caniatâd eglur ar eu cyfer o dan y Rheoliadau Hysbysebu, ond sy'n cael eu harddangos heb ganiatâd*
Dymchwel adeilad mewn ardal gadwraeth, heb gael caniatâd ardal gadwraeth, pan fo hynny'n ofynnol *
Gwaith a gyflawnir ar adeilad "rhestredig", sy'n effeithio ar ei gymeriad neu ei leoliad hanesyddol, heb gael caniatâd adeilad rhestredig*
Methu cydymffurfio â gofynion hysbysiad cynllunio cyfreithiol (e.e.) hysbysiad gorfodi, hysbysiad terfynu, hysbysiad atal etc*

*Mae'r eitemau hyn yn droseddau.

Ni fydd y cyngor yn mynd i'r afael â materion sy'n ymwneud ag anghydfodau rhwng cymdogion yn unig ac, yn arbennig, ni all ymdrin ag anghydfodau ffiniau.

Pa wybodaeth y mae ei hangen arnom pan fyddwn yn gwneud cwyn?

Bydd rhaid cael union leoliad y safle neu'r eiddo y mae'r gŵyn yn ymwneud ag ef
Union natur eich pryder, h.y. y toriad posib o reolaeth gynllunio
Os yw'n bosib, enw'r person/sefydliad sy'n gyfrifol a'r dyddiad a/neu'r amser y dechreuodd y toriad
Mae'n rhaid cael manylion y sawl sy'n cwyno hefyd (enw a chyfeiriad etc.) oherwydd ni dderbynnir cwynion anhysbys. Os nad ydych am ddatgelu eich manylion, gallwch gysylltu â'ch Cynghorydd lleol a gofyn iddo gyflwyno'r gŵyn ar eich rhan

Beth sy'n digwydd i'ch cwyn?

Byddwn yn cydnabod ein bod wedi derbyn eich cwyn o fewn pum niwrnod gwaith os darperir cyfeiriad post neu e-bost
Ymdrechwn i gysylltu â chi o fewn 84 niwrnod gwaith o dderbyn y gŵyn i nodi sut mae'r cyngor yn bwriadu mynd i'r afael â'r mater

Cyfrinachedd

Gwneir pob ymdrech i gadw hunaniaeth y sawl sy'n cwyno yn gyfrinachol. Mewn nifer o achosion, ffynhonnell wreiddiol y gŵyn yw swyddog y cyngor. Fodd bynnag, yn aml darperir y dystiolaeth orau gan y rhai sy'n byw wrth ymyl safle'r tramgwydd cynllunio honedig. Mae'n debygol y bydd rhai achosion lle mae amharodrwydd yr achwynydd i ddatgelu ei hun ac i ddarparu tystiolaeth yn cael effaith sylweddol ar y canlyniad.

Ceir mwy o wybodaeth am y Broses Orfodi ar wefan Llywodraeth CymruYn agor mewn ffenest newydd.

Sut i wneud cwyn

Mae sawl ffordd i gofrestru cwyn am orfodi, sef: