Diwrnod hwyl am ddim i lansio ardal chwarae Mayhill
Gwahoddir teuluoedd ifanc ym Mayhill i ddiwrnod hwyl cymunedol am ddim ddydd Sul lle caiff yr ardal chwarae newydd ei hagor yn swyddogol.
Fe'i cynhelir rhwng 11am a 3pm ac mae'n cynnwys adloniant am ddim i blant, atgyweiriadau beiciau am ddim gan y Bike Doctor a mwy.
Mae'r ardal chwarae newydd yn cynnwys llinell sip, rowndabowt sy'n addas i gadeiriau olwyn, siglenni, si-so, llithren, parth i blant bach ac ardal ddringo.
Gwnaed gwelliannau hefyd i'r ardal gemau amlddefnydd.
Mae Cyngor Abertawe wedi ymrwymo i wella'r holl ardaloedd chwarae yn y ddinas sy'n eiddo i'r cyngor ac mae'n buddsoddi £5m yn y cynllun.
I gael gwybod mwy am y genhedlaeth newydd o ardaloedd chwarae sy'n cael eu creu yn Abertawe, ewch i https://www.abertawe.gov.uk/lleoeddchwaraenewydd
Dewis iaith
Rhannu'r dudalen hon
Argraffu
