Plant wrth eu bodd gydag ardal chwarae newydd Parc Llewelyn

Mae Parc Llewelyn yn Nhreforys eisoes yn gyrchfan cymunedol poblogaidd sydd â golygfeydd godidog ar draws Abertawe, canolfan gymunedol ffyniannus, llwybrau cerdded cŵn hyfryd a chyrtiau tenis.

Yr ardal chwarae i blant yw'r diweddaraf i elwa o'r rhaglen uwchraddio gwerth £7m ar draws y ddinas a agorwyd yn swyddogol gan Arweinydd y Cyngor, Rob Stewart.

Mae hyn yn golygu bod dros 50 o gymdogaethau o gwmpas y ddinas bellach wedi elwa o'r prosiect adnewyddu ardaloedd chwarae sydd fel arfer yn cynnwys cyfleusterau i bobl ifanc anabl fel rowndabowtiau sy'n gyfwastad â'r llawr, llithrennau llydan, siglenni basged a byrddau cyfathrebu.

Ym Mharc Llewelyn mae plant ifanc yn mwynhau anturiaethau newydd yn heulwen yr haf ar uned aml-chwarae ar arddull castell, siglenni, rowndabowt, trampolîn a llawer mwy.

I gael gwybod mwy am fuddsoddiad mwyaf erioed y Cyngor mewn ardaloedd chwarae, ewch i: https://www.abertawe.gov.uk/lleoeddchwaraenewydd