Tymor y cofio'n dechrau wrth i Apêl y Pabi Abertawe gael ei lansio

Dewiswyd y lleoliad ar gyfer digwyddiadau i nodi dechrau'r fenter codi arian flynyddol sy'n cefnogi gwasanaethau ar gyfer aelodau presennol a blaenorol y Lluoedd Arfog.

Bydd Apêl y Pabi - galwad ar draws y DU i gefnogi ein cyn-filwyr - yn arbennig o ingol eleni gan ein bod yn coffáu 80 o flynyddoedd ers Diwrnod VE a Diwrnod VJ.

Bydd Arglwydd Faer Abertawe, y Cyng. Cheryl Philpott, ynghyd â'r Cyng. Wendy Lewis, Hyrwyddwr Lluoedd Arfog y cyngor, Arglwydd Raglaw Gorllewin Morgannwg, Louise Fleet, a nifer o gynrychiolwyr o'r Lleng Brydeinig Frenhinol yn bresennol yn y lansiad.

Ymysg y digwyddiadau sydd yn yr arfaeth ar gyfer eleni mae digwyddiad Abertawe'n Cofio yn St David's Place ar 11 Tachwedd am 10.30am yn ogystal â difrifoldeb y digwyddiadau coffa wrth y Senotaff ar 9 ac 11 Tachwedd.

Bydd gorymdaith drwy ganol y ddinas a Gwasanaeth Coffa ym Mystwyr Abertawe ar 9 Tachwedd.

Bydd y rhain yn ychwanegol at y digwyddiadau cymunedol niferus a gynhelir gan gyn-filwyr, eu teuluoedd a'u cefnogwyr mewn cymunedau ar draws Abertawe.

Bydd pabïau ar werth mewn nifer o leoliadau'r cyngor o gwmpas y ddinas, gan gynnwys rhai llyfrgelloedd, Neuadd y Ddinas a'r Ganolfan Ddinesig.

Digwyddiadau'r Cofio yn Abertawe eleni:

25 Hydref - Seremoni Croes Heddwch ym Mynwent Dan y Graig, a drefnir gan Y Lleng Brydeinig Frenhinol

2 Tachwedd - Gardd Heddwch yn agor ar y lawnt y tu allan i Morgan's Hotel, a drefnir gan Y Lleng Brydeinig Frenhinol

8 Tachwedd - Gŵyl y Cofio yn Neuadd Brangwyn wedi'i threfnu gan Y Lleng Brydeinig Frenhinol

9 Tachwedd - Sul y Cofio, yn cynnwys digwyddiadau wrth y Senotaff, gorymdaith drwy ganol y ddinas a gwasanaeth ym Mystwyr Abertawe.

11 Tachwedd - Digwyddiad Pabïau i Paddington yng ngorsaf drenau Abertawe

11 Tachwedd - Digwyddiadau coffa Diwrnod y Cadoediad wrth y Senotaff a'r distawrwydd dwy funud genedlaethol

11 Tachwedd - Goleuo Neuadd y Ddinas yn goch ar gyfer Diwrnod y Cadoediad