Mynediad am ddim i Gastell Ystumllwynarth i blant ysgol Abertawe

Gall plant sy'n gwisgo eu gwisgoedd ysgol lleol fwynhau mynediad am ddim pan fyddant yn mynd i'r swyddfa docynnau ar ôl 3pm ar ddyddiau'r wythnos yn ystod y tymor. Bydd y castell ar agor bob dydd tan 5pm, gyda'r mynediad olaf am 4:30pm.

Yn ogystal, gall plant dan bump oed barhau i fwynhau mynediad am ddim drwy gydol yr oriau agor.

Mae Cyfeillion Castell Ystumllwynarth yn falch o reoli'r fenter hon â'r nod o ddarparu profiad cyfoethog a chost isel i ddysgwyr ifanc. Bydd y cynnig ar gael tan ddiwedd mis Medi yn ystod y tymor.

Meddai'r Cynghorydd Elliott King, Aelod Cabinet Cyngor Abertawe dros Ddiwylliant, Hawliau Dynol a Chydraddoldeb, "Dyma gyfle gwych i rieni a neiniau a theidiau sy'n casglu plant o'r ysgol i fwynhau profiad fforddiadwy, difyr ac addysgol."

Mae Castell Ystumllwynarth, sydd uwchben glan môr golygfaol y Mwmbwls gyda golygfeydd dros Fae Abertawe, yn gwahodd teuluoedd i fwynhau ei swyn hanesyddol. Peidiwch â cholli'r cyfle i ymweld ag ef - mae ar agor bob dydd rhwng 11am a 5pm ac yn ystod penwythnosau ym mis Hydref.

Am ragor o wybodaeth am ddigwyddiadau, teithiau tywys ac oriau agor, ewch i abertawe.gov.uk/castellystumllwynarth