Ysbrydion yn y Ddinas yn addo hwyl Calan Gaeaf yn Abertawe
Bydd canol dinas Abertawe llawn creaduriaid a pherfformiadau brawychus y Calan Gaeaf hwn wrth i Ysbrydion yn y Ddinas ddychwelyd nos Sadwrn 25 Hydref - ac eleni mae'n fwy, yn fwy mentrus ac yn fwy bwganllyd nag erioed.
Cynhelir y digwyddiad am ddim rhwng 3pm ac 8pm a bydd yn cynnwys dwy ardal ar y thema, sef St David's Place a pharc Amy Dillwyn newydd ym Mae Copr.
Bydd St David's Place yn cynnal rhaglen gyffrous o adloniant i blant a gefnogir gan Dechrau'n Deg, gyda cherddoriaeth, gemau, perfformwyr sy'n crwydro a chystadleuaeth gwisg ffansi. Gallwch ddisgwyl pethau annisgwyl arswydus a digon chwerthin wrth i gymeriadau gymysgu â'r dorf.
Bydd Marchnad Abertawe gyfagos hefyd yn cynnal digwyddiad Arswyd yng Ngardd y Farchnad rhwng 11am a 4pm.
Hefyd, yn y Mwmbwls, fydd Castell Ystumllwynarth unwaith eto'n cynnal tri phrofiad arswydus.
Cynhelir digwyddiad y Castell Arswydus yn ystod y dydd ar 25 Hydref gyda gweithgareddau sy'n addas i deuluoedd a bydd Ochr Dywyll Castell Ystumllwynarth yn cynnig teithiau tywys gyda'r hwyr o 16 Hydref.
Ar Nos Galan Gaeaf fydd y castell yn cynnig Profiad Castell Bwganllyd gydag actorion ac effeithiau arbennig o 6pm.
Gallwch ddod o hyd i'r manylion llawn a dolenni i gadw lle yn https://www.croesobaeabertawe.com/digwyddiadau/ a https://www.croesobaeabertawe.com/ysbrydion
Dewis iaith
Rhannu'r dudalen hon
Argraffu
