Adolygiad o Ystadegau Cydraddoldeb

Mae'r adolygiad yn darparu dadansoddiad o'r ystadegau lleol a chenedlaethol diweddaraf ar gyfer y nodweddion gwarchodedig a restrir o dan Ddeddf Cydraddoldeb 2010.  Ei nod yw helpu i ddeall amrywiaeth poblogaeth Abertawe, sut y mae wedi newid a beth all ddigwydd yn y dyfodol. 

Mae'r ddogfen Adolygu Ystadegau Cydraddoldeb (a ddiweddarwyd ym mis Hydref 2024) yn edrych ar gyfres o ddangosyddion cydraddoldeb allweddol ar gyfer Abertawe, gan gyflwyno'r ystadegau sydd ar gael, sylwebaeth a dadansoddiad o'r hyn y mae'r data yn ei ddangos.  Mae'r adolygiad hwn yn gallu cynnwys ystadegau a gwybodaeth wedi'u diweddaru o Gyfrifiad 2021, gan gynnwys data lleol ar rai o nodweddion y boblogaeth am y tro cyntaf.

Adolygu Ystadegau Cydraddoldeb (PDF, 1 MB)

Mae'r nodweddion canlynol a restrir yn Neddf Cydraddoldeb 2010 yn cael eu hystyried:

1.  Oedran
2.  Anabledd
3.  Ailbennu rhywedd
4.  Priodas a phartneriaeth sifil
5.  Beichiogrwydd a mamolaeth
6.  Hil
7.  Crefydd neu gred
8.  Rhyw
9.  Cyfeiriadedd rhywiol.

Mae'r ddogfen Adolygiad yn cynnwys tabl cryno cyffredinol sy'n dangos y dangosyddion poblogaeth allweddol ar gyfer pob un, gyda'r wybodaeth ganlynol wedi'i chynnwys mewn penodau ar wahân ar gyfer pob nodwedd:

• Amlinelliad o'r ffynonellau data perthnasol sydd ar ynghylch y nodwedd
• Crynodeb o'r ystadegau allweddol sydd ar gael ynghylch Abertawe a chymariaethau cenedlaethol
• Unrhyw amrywiadau lleol yn Abertawe, er enghraifft, trwy gyfrwng data'r Cyfrifiad
• Awgrym o newid dros amser (o'r ffynonellau data a ddefnyddir)
• Tueddiadau posibl yn y dyfodol, os gellir eu nodi.

Sylwer: diweddarwyd rhannau o'r ddogfen (1. Oedran; 4. Priodas a phartneriaeth sifil; 5. Beichiogrwydd a mamolaeth; 8. Rhyw) ymhellach ym mis Hydref 2024 i ymgorffori diweddariadau ystadegol diweddar, gan gynnwys amcangyfrifon poblogaeth ar gyfer canol 2023 a gyhoeddwyd gan y Swyddfa Ystadegau Gwladol (SYG) ym mis Gorffennaf 2024.

Mae crynodeb byr sy'n tynnu sylw at ganfyddiadau allweddol yr Adolygiad diweddaraf hefyd ar gael (diweddarwyd Hydref 2024):  Adolygiad Ystadegau Cydraddoldeb crynodeb (PDF, 482 KB)

Drwy ganolbwyntio ar y nodweddion gwarchodedig a ddisgrifir yn y Ddeddf Cydraddoldeb, mae'r Adolygiad hefyd yn llywio ac yn cefnogi Cynllun Cydraddoldeb Strategol y Cyngor:  Cynllun cydraddoldeb strategol - Abertawe

Os hoffech chi unrhyw wybodaeth ystadegol ychwanegol am nodweddion poblogaeth Abertawe, neu os oes gennych chi unrhyw ymholiadau eraill am yr ystadegau hyn, cysylltwch â ni.