Golygfa o'r awyr yn dangos newid yng nghanol y ddinas

Yn ogystal ag Arena Abertawe a'r gwelliannau gwerth miliynau o bunnoedd ar hyd Ffordd y Brenin, mae'r fideo hefyd yn dangos gwaith gosod sylfeini'n digwydd ar hen safle clwb nos Oceana.

Mae swyddfeydd newydd yn cael eu hadeiladu yno gyda lle i 600 o swyddi mewn sectorau fel technoleg, digidol a'r diwydiannau creadigol.

Mae eich parc arfordirol newydd ger yr arena sy'n rhan o ardal £135 miliwn Bae Copr ddatblygwyd gan y cyngor hefyd wedi'i gynnwys yn y fideo.

Mae cynlluniau eraill a arweinir gan y cyngor yn cynnwys gwaith cynllunio gan yr arbenigwyr adfywio arobryn, Urban Splash, ar gyfer safleoedd sy'n cynnwys y Ganolfan Ddinesig ac ardal ddatblygu gogledd Abertawe Ganolog yn hen safle Canolfan Siopa Dewi Sant.

Gofynnir i bobl hefyd am eu hadborth ar gynlluniau i ailddatblygu Gerddi Sgwâr y Castell gwyrddach. Bydd gwaith gerllaw i drawsnewid hen adeilad BHS/What! ar Stryd Rhydychen yn Hyb Cymunedol a fydd yn cynnwys gwasanaethau'r cyngor a gwasanaethau cymunedol yn dechrau'r hydref hwn.

Roedd gwneud cynnydd o ran adfywio canol y ddinas o fewn 100 niwrnod ymhlith addewid ymrwymiadau polisi'r cyngor y cytunwyd arno ym mis Mehefin.

Ewch yma i gael rhagor o wybodaeth am drawsnewidiad canol eich dinas.