Grwpiau cymunedol i chwarae'r brif ran mewn gorymdaith y Nadolig ysblennydd

Maent yn cynnwys grwpiau celfyddydau perfformio fel Celfyddydau Theatr Mellin, Cwmni Theatr The Rising Stars ac Ysgol Dawnsio Gwyddelig Bernadette Jones.

Mae'r clybiau chwaraeon yn cynnwys Clwb Pêl-fasged Storm Abertawe a Chlwb Rygbi Waunarlwydd.

Bydd ystod amrywiol o grwpiau lleol yn ymuno â nhw i nodi'n swyddogol ddechrau tymor y Nadolig yn y ddinas. Maent yn cynnwys Menter Chwarae Plant Bôn-y-maen, cangen Abertawe o'r Gymdeithas Awtistig Genedlaethol, Grŵp Sgowtiaid Fforest-fach a BMHS - Cymorth Iechyd Meddwl BAME.

Bydd y grwpiau hyn yn sicrhau bod cannoedd o breswylwyr lleol yn cymryd rhan yn yr orymdaith. Mae'r gwahoddiad i gymryd rhan ar gau ar gyfer eleni.

Mae gorymdaith y Nadolig yn uchafbwynt yn rhaglen ddigwyddiadau flynyddol Cyngor Abertawe. 

Meddai Aelod y Cabinet, Robert Francis-Davies, "Rwy'n falch iawn bod cynifer o grwpiau cymunedol lleol wedi ymateb yn gadarnhaol i'n gwahoddiad i gymryd rhan.

"Bydd yr orymdaith yn llawn goleuadau, cerddoriaeth a dawnsio a bydd yn cynnwys fflotiau, perfformwyr proffesiynol, grwpiau cymunedol a chymeriadau o straeon tylwyth teg a ffilmiau."

Bydd yr orymdaith yn dechrau o 5pm ar 19 Tachwedd. Bydd yn dechrau ar Victoria Road ac yn teithio ar hyd Princess Way, Caer Street, Castle Street, Y Stryd Fawr, Alexandra Road, Orchard Street a Ffordd y Brenin.

Bydd rhai ffyrdd ar gau dros dro yng nghanol y ddinas. Bydd manylion llawn i ddilyn.

Rhagor o wybodaeth: www.joiobaeabertawe.com.

Llun: Aelodau o Grŵp Sgowtiaid Fforest-fach