Diwrnod o hwyl ar thema Gymreig ar y ffordd i'r ddinas.
Mae gŵyl ddeuddydd yn dod i Abertawe gyda rhai pen-cogyddion enwog, cerddoriaeth fyw a llawer o hwyl.
Bydd Gŵyl Croeso'n codi hwyliau pawb yng nghanol y ddinas gyda'i rhaglen o adloniant amrywiol.
Bydd Gŵyl Croeso Abertawe, sy'n dathlu popeth Cymreig, yn dod â llawer o gyffro i ganol y ddinas pan fydd yn dychwelyd ar 24 a 25 Chwefror.
Trefnir y digwyddiad am ddim gan y cyngor mewn cydweithrediad â First Cymru, gyda chefnogaeth Bwyd a Diod Cymru Llywodraeth Cymru.
Meddai Aelod y Cabinet, Robert Francis-Davies, "Mae Gŵyl Croeso'n gyfle gwych i arddangos bwydydd a diodydd Cymreig gwych a denu pobl newydd i ganol y ddinas."
Meddai rheolwr cyffredinol First Cymru, Chris Hanson, "Mae Croeso yn addo bod yn ddigwyddiad deuddydd arbennig ac rydym yn disgwyl cludo cannoedd o'n cwsmeriaid i'r digwyddiad."
Bydd ymwelwyr sy'n mynd i ŵyl Croeso, a gynhelir ar y deuddydd o 11am tan 4pm, yn cael cyfle i fwynhau adloniant ac arddangosiadau coginio.
Bydd pabell fawr ar Portland Street ar gyfer arddangosiadau coginio. Bydd y Pen-cogyddion a'r cogyddion cartref yn cynnwys Hywel Griffith, Nathan Davies a John Partridge.
Bydd cerddoriaeth Gymreig i'w chlywed yn Sgwâr y Castell a bydd gweithgareddau ac adloniant i blant.
Rhagor o wybodaeth: www.joiobaeabertawe.com.
Dewis iaith
Rhannu'r dudalen hon
Argraffu
