AoS - Cymunedau Cynaliadwy ar gyfer Dysgu Ysgol Gyfun Gymraeg Bryn Tawe

Ar y dudalen hon

Nid oes unrhyw benawdau ar y dudalen hon i lywio iddynt.

Mae'r prosiect hwn yn rhan o Raglen Dreigl Amlinello Strategol gymeradwy Cyngor Abertawe (sy'n adlewyrchu amcanion buddsoddi cenedlaethol Cymunedau Dysgu Cynaliadwy) ac mae'n gyson â phlisïau, blaenoriaethau ac ymrwymiadau lleol, yn ogystal ag amcanion rhaglen penodol a ddiffinnir gan Llywodraeth Cymru (LlC).

Y nodau ac amcanion allweddol yw:

Darparu amgylchedd dysgu addas a fydd yn caniatáu i'r ysgol dyfu a darparu hyd at 248 o leoedd uwchradd cyfrwng Cymraeg ychwanegol.
Darparu amgylchedd dysgu mwy addas i ddysgwyr ôl-16.
Gwella hygyrchedd a darparu amgylchedd dysgu o safon uchel sy'n fwy addas i ddisgyblion ag anghenion dysgu ychwanegol, gan greu amgylchedd ar gyfer yr holl ddisgyblion sy'n hyrwyddo annibyniaeth.
Gwella ardaloedd hamdden presennol a gwella mynediad cerbydau a cherddwyr i'r ysgol a Chanolfan Hamdden Pen-lan.
Gwella awyru a gwresogi a mwyafu cyfleoedd datgarboneiddio gan gynnwys adeiladu cyfleuster addysgu carbon gweithredol sero-net newydd.

Buddion i'r gymuned

Mae'r cyngor yn ymrwymedig i gefnogi cwmnïau lleol a chreu swyddi i bobl leol. Yn ystod y gwaith arfaethedig, bydd y prif gontractwr yn defnyddio cyflenwyr lleol, lle y bo'n bosib, ar gyfer y deunyddiau a'r cynnyrch. Caiff contractwyr eu hannog i gyflogi gweithwyr lleol a chynnig profiad gwaith i bobl ifanc ddi-waith.

Cynnydd

Ym mis Rhagfyr 2021, cymeradwyodd Llywodraeth Cymru gynigion buddsoddi a nodwyd yn yr Achos Busnes Amlinellol ac ym mis Chwefror 2024, cymeradwywyd dyrannu cyllid cyfrwng Cymraeg, gan alluogi'r prosiect i ddatblygu i gam dylunio manwl a chyflwyno cais cynllunio. Penodwyd Andrew Scott Ltd i ymgymryd â'r broses ddylunio hon.