Trwyddedu dros nos, diwrnod Beaujolais, y Nadolig a'r Flwyddyn Newydd 2024-2025

Bydd hyn yn berthnasol os nad oes trwydded mangre/tystysgrif mangre clwb gennych, neu os nad yw'ch trwydded mangre/tystysgrif mangre clwb yn caniatáu'r gweithgaredd trwyddedadwy rydych yn ei gynllunio. Mae gweithgareddau trwyddedadwy'n cynnwys gwerthu neu gyflenwi alcohol, lluniaeth yn hwyr y nos (gwerthu bwyd twym a diod rhwng 23:00 a 05:00 - nid yw hyn yn berthnasol i fangreoedd clwb), adloniant a reoleiddir, sy'n cynnwys cerddoriaeth fyw a cherddoriaeth sydd wedi'i recordio, dramâu, ffilmiau, chwaraeon dan do, paffio a reslo. Os nad ydych yn siŵr a oes angen TEN arnoch ar gyfer eich digwyddiad, e-bostiwch ni yn Trwyddedu.IyA@abertawe.gov.uk.

Mae TEN yn caniatáu i ddigwyddiadau bara hyd at 7 niwrnod (168 o oriau) ac ni chaniateir i fwy na 499 o bobl fod yn bresennol. Mae'n rhaid i drefnydd y digwyddiad gyflwyno'r hysbysiad o leiaf 10 niwrnod gwaith cyn dyddiad y digwyddiad. Gellir cyflwyno TEN hwyr, ond ni ddylai hyn fod yn gynt na 9 niwrnod gwaith cyn y digwyddiad nac yn hwyrach na 5 niwrnod gwaith cyn y digwyddiad a rhaid nodi mai TEN hwyr ydyw. Sylwer, nid yw'r diwrnodau gwaith yn cynnwys y diwrnod cyflwyno, hynny yw, y diwrnod y mae'r awdurdod hwn yn ei dderbyn, a diwrnod y digwyddiad ei hun. Nid yw diwrnodau gwaith yn cynnwys dydd Sadwrn, dydd Sul na gwyliau banc, sef Dydd Nadolig, Gŵyl San Steffan, a Dydd Calan yn yr achos hwn.

Gwneud cais am hysbysiad o ddigwyddiad dros dro Gwneud cais am hysbysiad o ddigwyddiad dros dro