Nesaf yn eich haf llawn digwyddiadau gwych: Penwythnos o gerddoriaeth

Mae'r lleoliad sy'n dod yn fwyfwy boblogaidd ar gyfer perfformwyr o'r radd flaenaf yn paratoi i groesawu James Arthur, Classic Ibiza Abertawe a Let's Rock Wales o nos Iau i nos Sadwrn. Gwybodaeth lawn

Mae'r Cyngor yn gweithio gyda hyrwyddwyr y sioe i sicrhau bod y rhai sydd wedi prynu tocynnau'n cael amser gwych a bod yr holl hwyl yn tarfu cyn lleied â phosib ar breswylwyr a modurwyr lleol.

Dim ond un ffordd fydd ar gau, sef rhan o Brynmill Lane ddydd Sadwrn.

Meddai Aelod Cabinet y Cyngor, Robert Francis-Davies, "Rydym yn falch iawn bod Parc Singleton wedi denu enwogion o'r byd cerddoriaeth wrth i'n haf llawn digwyddiadau gwych barhau." 

Bydd James Arthur, y canwr/cyfansoddwr caneuon sydd wedi cyrraedd brig siartiau'r DU yn dod â'i sioe haf i Barc Singleton nos Iau.    

Bydd Classic Ibiza Abertawe yn dod i'r ddinas nos Wener ac mae'n addo noson o anthemau dawns enwog wedi'u perfformio o dan y sêr.

Mae Let's Rock Wales yn ŵyl gerddoriaeth 'retro' a fydd yn dod i Abertawe am y tro cyntaf ddydd Sadwrn.

Dim ond un ffordd fydd ar gau ddydd Sadwrn. Bydd Brynmill Lane ar gau o Oystermouth Road i gylchfan Bryn Road rhwng 4pm a 11.30pm.

Bydd cyfyngiadau parcio dros dro ar waith o 4pm ddydd Iau tan 11.30pm nos Sadwrn. Bydd y cyfyngiadau ar waith ar Gower Road - bydd cyfyngiad 200m ar bob ochr i fynedfa'r parc a chyfyngiad 50m ar bob ochr i fynedfa'r ysgol.

Cwestiynau cyffredin a gwybodaeth am y ffyrdd

Llun:James Arthur.