Mae dathliad lliwgar o amrywiaeth yn dychwelyd gyda Pride Abertawe
Mae awyrgylch carnifal ar y ffordd i'r ddinas wrth i Pride Abertawe ddychwelyd am flwyddyn arall ddydd Sadwrn, 18 Mai, gyda gorymdaith liwgar drwy ganol y ddinas wedi'i dilyn gan brynhawn o adloniant byw o flaen Neuadd y Ddinas.
Unwaith eto, mae'r ŵyl am ddim ac mae gwahoddiad i bawb.
Disgwylir i'r orymdaith flynyddol adael Wind Street am 11am a bydd yn mynd ar hyd Stryd Rhydychen a St Helen's Road i Neuadd y Ddinas.
Caiff llwyfan ei gosod yn y maes parcio ym mlaen yr adeilad a fydd yn cynnal adloniant byw rhwng 12 ganol dydd a 7pm.
Yn union fel y llynedd, bydd Parth Cymunedol Pride Abertawe y tu mewn yn Neuadd Brangwyn gyfagos, gyda llawer o stondinau gwybodaeth gan sefydliadau, gwasanaethau cefnogi, elusennau, grwpiau cymunedol a masnachwyr crefftau hefyd.
Trefnir Pride Abertawe'n annibynnol ond fe'i cefnogir gan Gyngor Abertawe.
Mae rhestr lawn o actau, gweithgareddau a gwybodaeth arall ar gael yn www.swanseapride.co.uk
Rhannu'r dudalen hon
Argraffu
