Digwyddiad Nadoligaidd am ddim i bobl agored i niwed yn dychwelyd i Neuadd Brangwyn
Mae Abertawe'n dod ynghyd unwaith eto i ledaenu hwyl yr ŵyl i bobl mewn angen yn ystod digwyddiad Nadoligaidd arbennig iawn.
Bydd JR Events and Catering, gyda chefnogaeth Cyngor Abertawe, yn agor drysau Neuadd Brangwyn ddydd Mawrth 5 Rhagfyr i weini cinio Nadolig dau gwrs am ddim i bobl yn Abertawe sy'n agored i niwed, yn teimlo'n ynysig neu a all fod yn ddigartref.
Cynhelir y digwyddiad Gyda'n Gilydd dros y Nadolig rhwng canol dydd a 3pm, a bydd cynrychiolwyr o amrywiaeth o wasanaethau ac elusennau'n darparu gwybodaeth am gymorth sydd ar gael.
I wirfoddoli, i gael rhagor o wybodaeth, neu i ddarparu gwasanaeth, adloniant neu gyfraniad, cysylltwch â Shannon Williams drwy e-bostio events@jr-eventsandctering.co.uk neu ffonio 01792 446017.
Rhannu'r dudalen hon
Argraffu
