Cae pob tywydd, ffreutur a lleoedd cymunedol newydd ar gyfer ysgol gynradd

Heddiw, cefnogodd Cabinet Cyngor Abertawe'r cynllun gwerth £3,257,000.

Mae cegin a ffreutur bresennol yr ysgol yn rhy fach a ni all ateb y galw cynyddol gan y bydd pob ysgol gynradd yn Abertawe yn cynnig prydau ysgol am ddim i bob disgybl eleni.

Mae opsiynau gwahanol wedi'u harchwilio a'r ateb a ffefrir yw dymchwel y ffreutur bresennol ac adeiladu adeilad newydd yn ei le a fyddai'n cynnwys cyfleusterau i'w defnyddio gan y gymuned ehangach y tu allan i oriau ysgol.