ADY - Cefnogaeth ar gyfer anawsterau dysgu ac anghenion dysgu ychwanegol

Pan fydd plentyn / person ifanc ag anghenion dysgu ychwanegol yn cael cefnogaeth ychwanegol, gelwir hyn hefyd yn ddarpariaeth ddysgu ychwanegol. Mae hyn yn golygu cefnogaeth sy'n ychwanegol neu'n wahanol i'r gefnogaeth a roddir yn gyffredinol i'r gefnogaeth a roddir yn gyffredinol i blant / bobl ifanc eraill o'r un oedran.

Diben darpariaeth ddysgu ychwanegol yw helpu plant / pobl ifanc i gyflawni'r deilliannau neu'r amcanion dysgu y cytunwyd arnynt yn ystod Adolygiad sy'n Canolbwyntio ar yr Unigolyn. Bydd ysgolion yn cynnwys plant / pobl ifanc a rhieni yn y broses hon.

Pa fath o gefnogaeth sydd ar gael?

Mae darpariaeth gyffredinol yn cefnogi plant a phobl ifanc mewn ysgolion prif ffrwd. Bydd angen ymyrraeth gynnar ar rai plant i gefnogi'r ddarpariaeth gyffredinol a gânt. Yn dibynnu ar y cynnydd a wneir, gall plant a phobl ifanc hefyd gael mynediad at ddarpariaeth wedi'i thargedu a darpariaeth arbenigol, er enghraifft, asesiad gan therapydd laith a Lleferydd.

Beth yw darpariaeth gyffredinol?

Darpariaeth Ddysgu Gyffredinol yw'r gefnogaeth sydd ar gael i bob dysgwr yn yr ysgol neu'r lleoliad ac yn yr ystafell ddosbarth. Bwriad Darpariaeth Ddysgu Gyffredinol yw sicrhau ei fod yn haws cael mynediad at addysg trwy ddarparu cyfleoedd dysgu ac addysgu da. Mae rhai enghreifftiau o Ddarpariaeth Ddysgu Gyffredinol yn cynnwys eistedd ar ben y dosbarth, cael seibiannau i symud, argraffu taflenni gwaith ar bapur lliw a chefnogaeth gan oedolion.

Os hoffech ragor o wybodaeth am Ddarpariaeth Ddysgu Ychwanegol, cysylltwch â'r CADY yn eich ysgol neu'ch lleoliad, a all drafod pa Ddarpariaeth Ddysgu Gyffredinol sydd ar gael. 

Gall pob dysgwr fanteisio ar ddarpariaeth gyffredinol. Mae yno i bob plentyn elw arni ac mae'n seiliedig ar ymagweddau cynhwysol. Mae'r ymagweddau hyn yn hanfodol i bob disgybl ond yn benodol y rheini ag anawsterau dysgu ac anghenion dysgu ychwanegol.

Beth yw ymyrryd yn gynnar?

Mae ymyrryd yn gynnar yn cyfeirio at gyfnodau byr o gefnogaeth i helpu eich plentyn / person ifanc. Mae rhaglenni ymyrryd yn gynnar yn amrywio yn dibynnu ar angen y plentyn / person ifanc.

Beth yw darpariaeth wedi'i thargedu?

Darpariaeth wedi'i thargedu yw pan fydd penderfyniad wedi'i wneud bod gan eich plentyn / person ifanc anghenion dysgu ychwanegol a bod angen darpariaeth ddysgu ychwanegol arno i'w helpu i wneud cynnydd. Bydd hyn yn cael ei nodi mewn Cynllun Datblygu Unigol (CDU). Mae hyn yn aml yn gefnogaeth gan ddefnyddio adnoddau ysgol / coleg a ddarperir gan aelod o staff. Weithiau gall hyn hefyd gynnwys cefnogaeth gan weithwyr proffesiynol allanol, er enghraifft, mynediad at athro arbenigol neu gydweithwyr o faes iechyd. 

Beth yw darpariaeth arbenigol?

Gellir darparu darpariaeth arbenigol ar gyfer dysgwyr ag ADY penodol, difrifol a chymhleth. Gallai hyn gael ei gyflwyno o fewn ysgol brif ffrwd, yn un o gyfleusterau addysgu arbenigol Abertawe sy'n gysylltiedig ag ysgol neu mewn ysgol arbennig. Bydd angen cynhwysiad awdurdodau lleol ac amlasiantaethol i gefnogi'r CDU.

Sut ydw i'n gwybod pa fath o gefnogaeth y bydd fy mhlentyn / mherson ifanc yn ei chael?

Os ydych yn ansicr, siaradwch â'r athro dosbarth neu'r Cydlynydd Anghenion Dysgu Ychwanegol (CADY) yn ysgol / coleg eich plentyn. Byddan nhw'n gallu rhoi cyngor i chi o ran sut i ddiwallu anghenion eich plentyn.

A fydd gan fy mhlentyn Gynllun Datblygu Unigol?

Ni fydd angen CDU ar bob plentyn / person ifanc, mae'n dibynnu ar lefel y gefnogaeth sydd ei hangen arno. Siaradwch â'r athro dosbarth neu'r Cydlynydd Anghenion Dysgu Ychwanegol (CADY) am ragor o wybodaeth neu os oes gennych unrhyw bryderon am eich plentyn / person ifanc.