Pont y marina'n ailagor i gerddwyr yn dilyn gwaith adnewyddu

Mae pont droi'r marina wedi bod ar gau i gerddwyr ers mis Mawrth eleni wrth i'r gwaith adnewyddu gael ei gwblhau.

Mae pont droi'r marina wedi bod yn agor a chau am dros 40 mlynedd, gan ddarparu mynediad i gychod i'r Marina a hefyd ganiatáu i gerddwyr groesi o un ochr o'r ardal forol i'r llall.

Roedd y gwaith yn cynnwys gosod rhannau mecanyddol newydd yn ogystal â'i hailbaentio, gan roi bywyd newydd i'r offer am flynyddoedd i ddod.

Meddai Andrew Stevens, Aelod y Cabinet dros yr Amgylchedd ac Isadeiledd, "Fel gydag unrhyw farina gweithredol, prysur mae llawer o elfennau sy'n helpu i sicrhau ei fod yn rhedeg yn llyfn. O bryd i'w gilydd mae angen i ni wneud gwaith cynnal a chadw hanfodol i rai o'r nodweddion hyn i estyn bywyd y marina.

"Mae Marina Abertawe yn lle hynod boblogaidd i breswylwyr ac ymwelwyr â'r ddinas, yn enwedig ym misoedd yr haf.

"Rwy'n falch ein bod wedi gallu cwblhau'r gwaith heb unrhyw oedi a gwneud yn siŵr ei fod yn barod ar gyfer tymor yr haf."

Ym mis Gorffennaf y llynedd, cwblhawyd gwaith mawr i adnewyddu llifddorau mewnol y Marina, gyda buddsoddiad o £750,000. Mae'r gatiau'n rhan bwysig o'r marina am eu bod yn galluogi cychod i basio o afon Tawe i mewn i'r marina neu i'r gwrthwyneb.

Mae'r gwaith i adnewyddu'r llifddorau wedi ychwanegu 10 i 15 mlynedd at eu hoes.

Ychwanegodd y Cynghorydd Stevens, "Y marina yw un o'n hatyniadau mwyaf i'n dinas ac mae'n croesawu cannoedd o gychod a chychod hwylio bob blwyddyn, felly mae'n hanfodol ein bod yn buddsoddi yn yr offer sy'n helpu i gadw'r marina'n weithredol.