ADY - Diffiniad o ADY
Pan fydd ysgolion neu'r cyngor yn ymwneud â gwneud y penderfyniad ynghylch a oes gan blentyn / person ifanc ADY, byddant yn cyfeirio at y diffiniad hwn wrth wneud eu penderfyniad.
Bydd y tabl canlynol yn eich arwain drwy'r cwestiynau y byddwn yn eu gofyn.
| Prawf 1 | Prawf 2 | |||
|---|---|---|---|---|
A oes gan y plentyn neu'r person ifanc anabledd (a all godi o gyflwr meddygol neu beidio)?
| Ydy i'r naill neu'r llall ► | A yw'r anhawster dysgu neu anabledd yn golygu bod angen darpariaeth ddysgu ychwanegol (DDdY)? | Ydy i'r naill neu'r llall ► | Ydy - mae gan y plentyn neu'r person ifanc ADY |
Nac oes / nac ydy ► | Nac oes / nac ydy ► | Nac ydy - nid oes gan y plentyn neu'r person ifanc ADY | ||
Mae'r diffiniad cyfreithiol isod, ond os ydych yn pryderu bod gan eich plentyn angen dysgu ychwanegol, siaradwch â'r ysgol, yr athro dosbarth neu'r Cydlynydd Anghenion Dysgu Ychwanegol (CADY).
Mae'n bwysig nodi y gall plentyn / person ifanc gael anawsterau dysgu heb fod ganddo angen dysgu ychwanegol. Yn yr achos hwn, bydd yr ysgol neu'r coleg yn cefnogi'r dysgwr gan ddefnyddio strategaethau sydd ar gael i bob dysgwr yn yr ysgol. Yr enw ar hyn yw Darpariaeth Gyffredinol.
Beth yw'r diffiniad cyfreithiol o ADY?
Mae'r Ddeddf yn dweud bod gan blentyn / berson ifanc anghenion ychwanegol os:
- Mae gan berson anghenion dysgu ychwanegol os oes ganddo anhawster dysgu neu anabledd (pa un a yw'r anhawster dysgu neu'r anabledd yn deillio o gyflwr meddygol ai peidio) sy'n galw am ddarpariaeth ddysgu ychwanegol.
- Mae gan blentyn sydd o'r oedran ysgol gorfodol neu berson sy'n hŷn na'r oedran hwnnw anhawster dysgu neu anabledd:
- os yw'n cael anhawster sylweddol fwy i ddysgu na'r mwyafrif o'r rhai eraill sydd o'r un oedran, neu
- os oes ganddo anabledd at ddibenion Deddf Cydraddoldeb 2010 sy'n ei atal neu'n ei lesteirio rhag defnyddio cyfleusterau addysg neu hyfforddiant a ddarperir yn gyffredinol ar gyfer eraill sydd o'r un oedran mewn ysgolion prif ffrwd a gynhelir neu sefydliadau prif ffrwd yn y sector addysg bellach.
- Mae gan blentyn sydd o dan yr oedran ysgol gorfodol anhawster dysgu neu anabledd os yw'r plentyn yn debygol o fod o fewn is-adran (2) pan fydd o'r oedran ysgol gorfodol.
- Os yw'r iaith (neu'r ffurf ar iaith) y mae neu y bydd person yn cael ei addysgu ynddi yn wahanol i iaith (neu ffurf ar iaith) sy'n cael neu sydd wedi cael ei defnyddio gartref, nid yw hynny'n unig yn golygu bod gan y person anhawster dysgu neu anabledd.
Cyf: Côd Anghenion Dysgu Ychwanegol Cymru 2021.
Beth yw'r diffiniad cyfreithiol o Anghenion Dysgu Ychwanegol (ADY)?
Os nodir bod gan eich plentyn angen dysgu ychwanegol yna efallai y bydd angen darpariaeth ddysgu ychwanegol arno.
- Ystyr 'darpariaeth ddysgu ychwanegol' i berson sy'n dair oed neu'n hŷn yw darpariaeth addysgol neu ddarpariaeth hyfforddiant sy'n ychwanego at yr hyn, neu sy'n wahanol i'r hyn, a wneir yn gyffredinol i eraill sydd o'r un oedran:
- mewn ysgolion prif ffrwd a gynhelir yng Nghymru,
- mewn sefydliadau prif ffrwd yn y sector addysg bellach yng Nghymru neu
- mewn mannu yng Nghymru lle y darperir addysg feithrin. Ystyr 'addysg feithrin' yw addysg sy'n addas i blentyn sydd wedi cyrraedd tair oed ond sydd o dan yr oedran ysgol gorfodol.
- 'Additional learning provision' for a child aged under three means educational provision of any kind.
Cyf: Côd Anghenion Dysgu Ychwanegol Cymru 2021.
Dewis iaith
Rhannu'r dudalen hon
Argraffu
