Buddsoddiad mawr yn yr arfaeth ar gyfer prosiectau allweddol yn Abertawe eleni
Mae degau ar filiynau o bunnoedd yn cael eu buddsoddi mewn ysgolion, cymunedau'r ddinas a phrosiectau pwysig yn y flwyddyn i ddod gan gynnwys Gerddi Sgwâr y Castell, 71/72 Ffordd y Brenin ac amddiffynfeydd môr ar gyfer y Mwmbwls.
Bydd £770,000 o arian y gronfa'n cael ei fuddsoddi ym mhrosiect ardaloedd chwarae hynod boblogaidd y Cyngor, sy'n werth £7 miliwn, fel y gall cymdogaethau elwa o gynllun sydd eisoes wedi arwain at uwchraddio mwy na 50 o fannau hamdden i blant.
A gall preswylwyr hefyd ddisgwyl gweld £5.5 miliwn yn cael ei fuddsoddi mewn gwelliannau ffyrdd, yn ychwanegol i gynlluniau gwerth £3.1 miliwn ar gyfer safle parcio a theithio newydd yng Nghwm Tawe.
Mae'r gwariant wedi'i amlinellu mewn adroddiad a gymeradwywyd gan y Cabinet ar 15 Chwefror, sy'n nodi'r cynlluniau ar gyfer £142 miliwn o wariant cyfalaf gan y Cyngor ar brosiectau mawr yn y flwyddyn sydd i ddod. Bydd y cynigion yn mynd gerbron y cyngor llawn ar 7 Mawrth am benderfyniad terfynol.
Dewis iaith
Rhannu'r dudalen hon
Argraffu
