Plant yng Nghlydach yn dathlu ychwanegiad newydd i'w parc

Mae Parc Coed Gwilym yng Nghlydach eisoes yn gyrchfan poblogaidd iawn yn y gymuned ac yn gartref i ganolfan treftadaeth a gwybodaeth, rhan o Gamlas Tawe a chyfleusterau sy'n amrywio o gyrtiau tennis a chaeau pêl-droed i lwybrau cerdded a llwybr BMX.

Mae ei ardal chwarae i blant bellach wedi elwa o raglen uwchraddio ardaloedd chwarae gwerth £7 miliwn y ddinas, ac fe'i hagorwyd yn swyddogol ddoe gan Arweinydd y Cyngor, Rob Stewart.

Mae hyn yn golygu bod dros 50 o gymdogaethau o gwmpas y ddinas wedi elwa o'r prosiect adnewyddu ardaloedd chwarae sydd fel arfer yn cynnwys cyfleusterau i bobl ifanc anabl fel rowndabowtiau sy'n gyfwastad â'r llawr, llithrennau llydan, siglenni basged a byrddau cyfathrebu.