Cŵn strae

Mae'r cŵn sy'n cael eu codi oddi ar y strydoedd yn derbyn gofal da mewn un o'n cytiau cŵn preifat am gyfnod o saith niwrnod, ar ôl y cyfnod hwnnw gallant gael eu hailgartrefu.

Os bydd ci strae yn cael ei ffaldio, bydd rhaid talu ffi ryddhau (gan gynnwys unrhyw gostau milfeddygol) yn uniongyrchol i'r cyngor. Ni chaiff y ci ei ryddhau a'i ddychwelyd at ei berchennog tan i'r ffïoedd gael eu talu'n llawn.Nid oes unrhyw ddarpariaeth ar gyfer talu drwy randaliad.

Rhaid talu drwy ffonio 01792 635650 neu gallwch dalu yn yGanolfan Ddinesig, Oystermouth Road.

Y ffi ryddhau yw £140.00, yn ogystal â £21.00 am bob diwrnod/hanner diwrnod a dreulir yn y cytiau cŵn.

Ar ôl i'ch taliad gael ei brosesu bydd swyddogion yn trefnu i ddychwelyd eich ci.

Beth dylwn ei wneud os yw fy nghi ar goll?

Os ydych wedi colli'ch ci ac rydych yn meddwl ei fod wedi'i godi fel strae, ebostiwch straydogs@swansea.gov.uk.

Beth dylwn ei wneud os wyf wedi dod o hyd i gi strae?

Yn ystod oriau swyddfa, ffoniwch ni ar 01792 635600 a daw warden anifeiliaid i gasglu'r ci gennych pan fydd hynny'n ymarferol bosib.

Gallwch fynd ag unrhyw gi strae sy'n cael ei ganfod yn crwydro yn ystod neu y tu allan i oriau swyddfa i bwynt derbyn y cyngor yn Swyddfa Ddiogelwch, Glanfa Pipehouse, Morfa Road, Abertawe SA1 2EN neu cadwch y ci tan y diwrnod gwaith nesaf a chysylltwch â ni i'w gasglu.

Mae map o leoliad y Swyddfa Ddiogelwch, Glanfa Pipehouse isod.

Coleri a Thagiau

Mae'n drosedd i adael unrhyw gi mewn man cyhoeddus heb goler gydag enw a chyfeiriad y perchennog arno. Gallech gael dirwy o hyd at £500.

Ailgartrefu cŵn

Gallai cŵn strae rydym wedi'u casglu fod ar gael i'w hailgartrefu os nad ydynt yn cael eu casglu gan eu perchennog o fewn saith niwrnod. Polisi'r cyngor yw peidio ag ailgartrefu cŵn yn yr un ardal â lle'r oeddent ar grwydr.

Rydym yn codi £150 i ailgartrefu ci strae.

Os oes gennych ddiddordeb mewn rhoi cartref i gi strae, ebostiwch straydogs@swansea.gov.uk. Bydd warden anifeiliaid yn cynnal gwiriad yn eich cartref os ydych yn byw yn Abertawe i sicrhau eich bod chi a'ch cartref yn addas ac yn barod i fod yn gartref newydd i gi strae.