Cyngor safonol cyn cyflwyno cais cynllunio

Mae gallu ymholi ynghylch materion cynllunio cyn cyflwyno cais cynllunio ffurfiol yn rhoi cyfle i ymgeiswyr ystyried y materion hyn ac, os oes angen, i ddiwygio'r cynigion cyn eu cwblhau a'u cyflwyno fel ceisiadau cynllunio.

Mae cyngor safonol cyn cyflwyno cais cynllunio wedi'i rannu i ddau gategori: statudol ac anstatudol.

Y prif wahaniaeth rhwng y ddau fath yw y cedwir ymgeiswyr sy'n cyflwyno cais am gyngor anstatudol yn gyfrinachol a byddant hefyd yn gallu cyfarfod ag un o'n swyddogion cynllunio. Fel arall, os ydych am gyflwyno cais am gyngor statudol cyn cyflwyno cais cynllunio a chael cyfarfod ag un o'n swyddogion, yna mae hynny hefyd yn opsiwn.

Ffïoedd a gwasanaethau atodol ar gyfer cyngor safonol cyn cyflwyno cais cynllunio Ffïoedd a gwasanaethau atodol ar gyfer cyngor safonol cyn cyflwyno cais cynllunio

Beth fyddwch chi'n ei gael - statudol ac anstatudol

Byddwn yn rhoi'r canlynol i chi:

hanes cynllunio'r tir y bwriedir codi'r datblygiad arfaethedig arno, ar yr amod ei fod yn berthnasol i'r cais arfaethedig
darpariaethau'r cynllun datblygu, i'r graddau y mae'n berthnasol i'r cais arfaethedig
unrhyw ganllawiau cynllunio atodol, i'r graddau y mae'n berthnasol i'r cais arfaethedig
unrhyw ystyriaethau eraill sydd neu a allai fod yn berthnasol ym marn yr awdurdod
asesiad cychwynnol o'r datblygiad arfaethedig ar sail yr wybodaeth a ddarparwyd dan baragraffau (a) i (ch).

Ar gyfer datblygiadau mawr, gallwn hefyd ddweud wrthych:

a yw'n debygol y bydd goblygiadau cynllunio (o fewn yr ystyr a geir yn adran 106 Deddf (goblygiadau cynllunio) 1990 yn ofynnol, ac os felly, syniad o gwmpas tebygol goblygiadau cynllunio o'r fath, gan gynnwys syniad o unrhyw swm y gall fod angen ei dalu i'r awdurdod
a fydd atebolrwydd i dalu Ardoll Isadeiledd Gymunedol yn debygol, ac os felly, syniad o'r swm tebygol
manylion unrhyw ddogfennau neu dystiolaeth y byddai ei hangen er mwyn i gais dilynol fod yn gais dilys.

Ar gyfer ymgeiswyr anstatudol:

cedwir eu hymholiadau'n gyfrinachol
gallant gael cyfarfod ag un o'n swyddogion cynllunio
byddant yn talu TAW ar ben y ffi

Ffurflenni cais

Gwneud cais am gyngor ychwanegol neu gyfarfod dilynol ar ôl derbyn ymateb cyn ymgeisio

Os ydych wedi cyflwyno cais cyn ymgeisio ac wedi derbyn ymateb ond hoffech siarad â rhywun am eich datblygiad, yna gallwch ofyn am gyfarfod dilynol.

Ffïoedd a gwasanaethau atodol ar gyfer cyngor safonol cyn cyflwyno cais cynllunio

Ffïoedd a thaliadau ar gyfer cyngor cyffredinol cyn cyflwyno cais cynllunio. Mae hefyd nifer o wasanaethau ychwanegol ar gael ar gyfer cyngor safonol cyn cyflwyno cais cynllunio.