Arweiniad am apeliadau gwaharddiad - cyngor i ddisgyblion ysgolion uwchradd

Cyngor i ddisgyblion ysgolion uwchradd.

Beth yw apel gwaharddiad?

Os bydd Pwyllgor Disgyblu Disgyblion Corff Llywodraethu yn cynnal gwaharddiad parhaol byddwch yn derbyn llythyron gan yr ysgol a'r Prif Swyddog Addysg yn esbonio eich hawl i apelio a'r dyddiad terfynol y gallwch gyflwyno eich apel.

Dylech anfon eich apel at Yr Uned Ysgolion a Llywodraethwyr.
Yn eich llythyr apel dylech nodi pam rydych chi'n credu y dylech gael ailymuno a'r ysgol a chynnwys unrhyw ddogfennau yr hoffech i'r panel eu hystyried i gefnogi eich achos.
Gallwch hefyd gael cyngor drwy ffonio Yr Uned Ysgolion a Llywodraethwyr

Gall ddisgyblion ysgolion uwchradd wneud apel drostynt eu hunain a chant yr wybodaeth i wneud hyn (gweler dogfen ar wahan).

Mae gennych chi'r hawl i apelio yn erbyn penderfyniad y pennaeth a'r corff llywodraethu. Bydd eich apel yn cael ei chlywed gan grwp o bobl annibynnol sydd heb unrhyw gysylltiad a'r ysgol.

Dylech apelio'n unig os hoffech ddychwelyd i'r ysgol y gwaharddwyd chi ohoni'n barhaol. (Peneli Apel sy'n penderfynu a allwch ddychwelyd i'r ysgol yn unig. Nid ydynt yn clirio eich enw).

Mae penderfyniad y Panel Apel yn derfynol.

Pryd bydd fy apel yn cael ei chlywed?

Bydd dyddiad yr apel yn cael ei drefnu gan Adran Gyfreithiol y cyngor o fewn 15 niwrnod ysgol ar ol derbyn eich apel a byddant yn ysgrifennu atoch i drafod dyddiad yr apel. Cynhelir apeliadau fel arfer yn y Ganolfan Ddinesig. Os oes gennych unrhyw broblem mynychu ar y diwrnod hwnnw, rhowch wybod i'r Adran Gyfreithiol ar unwaith drwy ffonio 01792 636584.

Os oes angen cyfieithydd arnoch neu mae gennych anabledd ac mae angen cymorth arnoch, rhowch wybod i ni drwy ffonio 01792 636584.

A all rhywun ddod gyda mi i'r cyfarfodydd?

Bydd eich rhiant / gofalwr fel arfer yn mynychu gyda chi.

Gallwch ddod a rhywun gyda chi e.e. ffrind, eich gweithiwr cymdeithasol neu ofalwr. Gall ffrind siarad ar eich rhan os nad ydych yn teimlo y gallwch siarad dros eich hunan.

Beth fydd yn digwydd yn yr apel?

Bydd Clerc y Panel yn esbonio'r gweithdrenau i chi cyn i chi fynd i mewn i'r ystafell.
Bydd aelodau'r Panel yn cyflwyno eu hunain a bydd Cadeirydd y Panel neu'r Clerc yn amlinellu trefn y siarad cyn i'r gwrandawiad ddechrau.
Bydd 3 neu 5 aelod ar y panel.
Bydd pennaeth yr ysgol a swyddog o'r Adran Addysg yn bresennol. Bydd y pennaeth yn esbonio pam y gwnaeth y penderfyniad i'ch gwahardd. Bydd gennych y cyfle i ofyn cwestiynau.
Byddwch yna yn cael eich gwahodd i annerch y Panel a chyflwyno eich rhesymau dros wneud cais i ailymuno a'r ysgol.
Gweithdrefn ffurfiol yw hon i sicrhau fod gan bawb y cyfle i roi eu barn ac i ofyn cwestiynau i'r bobl eraill sy'n bresennol. Fodd bynnag, gwneir pob ymdrech i'ch helpu i gyflwyno'ch achos a gwneud i chi deimlo'n gartrefol.

Sut fydd y Panel yn penderfynu os ddylwun i gael fy ngwahardd?

Mae'n rhaid i'r Panel wrando'n ofalus ar bawb a phenderfynu a wnaeth yr hyn yr honnir a wnaethoch ddigwydd.

Os ydynt yn credu y gwnaethoch yr hyn a ddywedodd y pennaeth, yna mae'n rhaid i'r Panel benderfynu ai gwaharddiad parhaol oedd y gosb briodol.

Beth sy'n digwydd os yw'r Panel yn penderfynu y dylwn i ddychwelyd i'r ysgol?

Mae'n rhaid i'r ysgol eich aildderbyn.

Beth sy'n digwydd os yw'r Panel yn penderfynu na ddylwn i ddychwelyd i'r ysgol?

Byddwch yn parhau i dderbyn addysg gartref nes i benderfyniad gael ei wneud am ddyfodol eich addysg.
Gallwch gael eich cyfeirio at Banel Addysg mewn Lleoliad Heblaw yn yr Ysgol (EOTAS) yr Awdurdod Lleol lle yr argymhellir darpariaeth addysg ar gyfer y dyfodol.
Byddwch yn cael gwybod am yr argymelliadau hyn gan swyddog yn yr Adran Gyfreithiol a gofynnir am eich barn.
Mae penderfyniad a Panel yn derfynol a does dim hawl pellach i apelio.

A fyddai'n derbyn penderfyniad y Panel ar y dydd?

Bydd y panel yn gwneud penderfyniad ar y dydd. Byddwch yn cael gwybod yn ysgrifenedig ond bydd Clerc y Panel fel arfer yn ceisio rhoi gwybod i chi ar yr un dydd, dros y ffon i ddechrau, a chadarnhau hyn yn ysgrifenedig o fewn 2 ddiwrnod ysgol.

Addaswyd diwethaf ar 18 Awst 2021