Bysus am ddim yn dychwelyd i Abertawe ar gyfer y Pasg
Bydd cynnig bysus am ddim Abertawe'n dychwelyd ar gyfer gwyliau'r Pasg, gan ddechrau ddydd Sadwrn yma, 23 Mawrth.
Gall siopwyr lleol a'r rhai sy'n teithio i ganol dinas Abertawe am y dydd neu'r rhai sy'n teithio o le i le deithio ar fysus am ddim bob dydd Sadwrn a dydd Sul dros wyliau ysgol y Pasg.
Mae'r Pasg yn draddodiadol yn nodi dechrau'r tymor twristiaeth 6 mis yn y ddinas ac mae llawer o ddigwyddiadau ar gynnig, yn ogystal â throeon bendigedig y gwanwyn o gwmpas ein parciau ac ar hyd llwybrau arfordirol i'w mwynhau hefyd.
Bydd y cynnig bysus am ddim yn helpu i'w gwneud hi'n haws ac yn rhatach i deuluoedd sydd dan bwysau yn ystod yr argyfwng costau byw fwynhau'r holl bethau hyn.
Gallwch gael rhagor o wybodaeth am y cynnig bysus am ddim dros y Pasg yma: www.abertawe.gov.uk/bysusamddim
Mae dyddiadau'r cynnig bysus am ddim dros y Pasg fel a ganlyn:
Dydd Sadwrn 23 a dydd Sul 24 Mawrth 2024
Dydd Llun 25 Mawrth 2024
Dydd Gwener y Groglith 29 Mawrth 2024
Dydd Sadwrn 30 a dydd Sul y Pasg 31 Mawrth 2024
Dydd Llun y Pasg 1 Ebrill 2024
Dydd Sadwrn 6 a dydd Sul 7 Ebrill 2024