Bysus am ddim yn dychwelyd ar gyfer y cyfnod cyn y Nadolig
Gall siopwyr sy'n mynd i ganol dinas Abertawe'r Nadolig hwn deithio ar fysus am ddim bob dydd Sadwrn a dydd Sul yn ystod mis Tachwedd a mis Rhagfyr, gan ddechrau ar benwythnos Gorymdaith y Nadolig, 16 Tachwedd.
Mae Cyngor Abertawe wedi cadarnhau bydd y cynnig trafnidiaeth gyhoeddus 'Teithio am Ddim Abertawe' yn dychwelyd ar gyfer cyfnod y Nadolig ac mae'n dilyn gwyliau'r haf gwych lle'r oedd bysus am ddim bob penwythnos.
Gan ddechrau ddydd Sadwrn, 16 Tachwedd, bydd y cynnig am ddim diweddaraf ar waith bob dydd Sadwrn a dydd Sul yn ystod y cyfnod cyn y Nadolig. Bydd gwasanaethau hefyd am ddim ddydd Llun 23 Rhagfyr a Noswyl Nadolig.
Bydd y gwasanaeth am ddim yn ailddechrau 27 Rhagfyr a bydd yn parhau i fod am ddim tan 7pm Nos Galan. Bydd preswylwyr sy'n dechrau ac yn gorffen eu taith yn Abertawe'n gallu teithio am ddim am 19 o ddiwrnodau.
Ar ddiwrnod Gorymdaith y Nadolig, 17 Tachwedd, bydd y gwasanaeth am ddim yn rhedeg tan 9pm, ond ar bob dydd arall lle mae bysus am ddim, mae'n rhaid i'r teithiau ddechrau cyn 7pm.
Gwybodaeth: www.abertawe.gov.uk/bysusamddim
Dewis iaith
Rhannu'r dudalen hon
Argraffu
