Chwech o barciau'r cyngor yn ennill statws baner werdd

Mae Gerddi Clun, Gerddi Botaneg Singleton, Parc Brynmill, Parc Llewelyn, Parc Cwmdoncyn a Pharc Victoria oll wedi cadw statws y faner bwysig am flwyddyn arall.

Rheolir yr holl barciau gan Gyngor Abertawe ac maent yn croesawu miloedd o ymwelwyr bob blwyddyn.

Cyflwynir rhaglen Gwobr y Faner Werdd yng Nghymru gan elusen amgylcheddol Cadwch Gymru'n Daclus gyda chefnogaeth Llywodraeth Cymru. Caiff y safleoedd eu hasesu yn erbyn wyth maen prawf llym, gan gynnwys bioamrywiaeth, glendid, rheoli amgylcheddol a chynnwys y gymuned.