Gwasanaeth lles addysg

Mae'r gwasanaeth lles addysg (GLlA) yn cefnogi'r awdurdod addysg lleol (AALl) i sicrhau bod pob plentyn a pherson ifanc yn Ninas a Sir Abertawe'n cael mynediad i ddarpariaeth addysg briodol a pherthnasol sy'n ei alluogi i ddysgu. 

Mae'r gwasanaeth lles addysg yn hyrwyddo lles plant a mynediad cyfartal i addysg i blant o bob oed.

Gwasanaethau a gynigir gan y swyddogion lles addysg

• Cefnogi plant a'u teuluoedd
• Cysylltu ag ysgolion
• Cyngor ar dderbyniadau a throsglwyddiadau ysgolion
• Gwybodaeth a chyngor ar weithdrefnau gwahardd
• Helpu rhieni i fodloni eu goblygiadau cyfreithiol o ran presenoldeb eu plant yn yr ysgol
• Trwyddedu cyflogi plant
• Cyngor ar addysg a budd-daliadau lles
• Hyrwyddo lles plant
• Gweithio gydag asiantaethau cefnogi
• Gorfodi rhwymedigaethau cyfreithiol yr AALl o ran presenoldeb yn yr ysgol
• Archwilio plant sy'n mynd ar goll o addysg
• Diogelu lles plant
• Cefnogi plant sy'n derbyn gofal yn yr awdurdod
• Cefnogi gofalwyr ifanc yn yr awdurdod.

Cefnogaeth i rieni / gwarcheidwaid a phobl ifanc

Gall swyddogion lles addysg gynnig cymorth a chefnogaeth i deuluoedd ag anawsterau.

Mae'r gwasanaeth lles addysg yn cynnig cefnogaeth i rieni a phlant i helpu i sicrhau bod y plant yn mynychu'r ysgol yn rheolaidd.

Yn aml, gall swyddogion lles addysg gynorthwyo rhieni a phlant ynghylch amrywiaeth o faterion.

Gallwch gysylltu a'ch swyddog lles addysg drwy ysgol eich plentyn. Mae swyddogion lles addysg mewn ygolion uwchradd. Gallwch hefyd gysylltu a'r Prif Swyddog Lles Addysg.

Cymorth i ofalwyr ifanc

Gofalwr ifanc yw person o dan 18 oed sy'n gofalu am aelod o'r teulu yn rheolaidd sy'n dioddef o:

• Salwch hir dymor
• Anabledd dysgu
• Anabledd corfforol
• Problemau iechyd meddwl
• Problemau cyffuriau neu alcohol.

Mae nifer o bobl yn yr ysgol a allai roi cymorth a chefnogaeth i chi, gan gynnwys:

• Swyddog lles addysg
• Pennaeth blwyddyn
• Tiwtor dosbarth
• Staff bugeiliol eraill yn yr ysgol.

Mae prosiectau ar gael sy'n cefnogi gofalwyr ifanc.