Galw Cynhyrchion Kinder Yn Ôl - Diweddariad gan yr Asiantaeth Safonau Bwyd
Rydym yn gofyn i bob manwerthwr wneud yn siŵr eu bod wedi tynnu cynhyrchion Kinder sy'n gysylltiedig ag achosion o salmonela oddi ar eu silffoedd.
Credir bod y cynhyrchion wedi achosi i nifer sylweddol o blant fynd yn ddifrifol wael, gyda llawer o achosion hysbys yn ddigon gwael i orfod mynd i'r ysbyty i gael triniaeth.
| Enwau'r cynhyrchion | Maint y pecynnau | Dyddiadau 'ar ei orau cyn' |
|---|---|---|
| Kinder Surprise | 20g | Pob dyddiad hyd at ac yn cynnwys 04 Ionawr 2023 |
| Kinder Surprise | 20g x 3 pack | Pob dyddiad hyd at ac yn cynnwys 04 Ionawr 2023 |
| Kinder Surprise | 100g | Pob dyddiad hyd at ac yn cynnwys 21 Awst 2022 |
| Kinder Mini eggs | 75g | Pob dyddiad hyd at ac yn cynnwys 21 Awst 2022 |
| Kinder Egg Hunt kit | 150g | Pob dyddiad hyd at ac yn cynnwys 21 Awst 2022 |
| Kinder Schokobons | 70g, 200g and 320g | Pob dyddiad hyd at ac yn cynnwys 04 Ionawr 2023 |
Roedd hysbysiad galw cynnyrch yn ôl cynharach yn berthnasol i rai o'r cynhyrchion uchod yn unig, felly mae'n bwysig sicrhau eich bod wedi tynnu'r cynhyrchion ychwanegol a gafodd eu cynnwys yn yr hysbysiad diweddaraf oddi ar y silffoedd. Mae'r hysbysiad galw cynnyrch yn ôl sydd wedi'i ddiweddaru yn cynnwys yr holl gynhyrchion Kinder a gynhyrchwyd ar eu safle yn Arlon yng Ngwlad Belg rhwng mis Mehefin 2021 a'r dyddiad presennol. Mae ymchwiliadau wedi nodi bod rhai cynhyrchion sydd wedi'u cynnwys yn yr hysbysiad yn parhau i fod ar werth.
Efallai na fydd deunydd pecynnu'r cynhyrchion a alwyd yn ôl yn cyfeirio at y ffatri yng Ngwlad Belg lle cawsant eu cynhyrchu, a gallant gynnwys cyfeiriad cyswllt gwahanol, felly mae'n bwysig iawn eich bod yn gwirio eu cynhyrchion yn erbyn y rhestr yn yr hysbysiad galw cynnyrch yn ôl i sicrhau bod eich cwsmeriaid yn ddiogel.
Rhannu'r dudalen hon
Argraffu
