Graham Thomas yn dod yn Arglwydd Faer
Mae dau o'r cynghorwyr hwyaf eu gwasanaeth wedi dod yn Arglwydd Faer ac yn Ddirprwy Arglwydd Faer yn ystod seremoni arbennig yn Neuadd y Ddinas yn Abertawe.
Bydd y Cynghorydd Graham Thomas yn olynu'r Cynghorydd Mike Day i ddod yn Arglwydd Faer ar gyfer 2023/24 a'i ddirprwy fydd y Cynghorydd Paxton Hood-Williams.
Mae'r Cyng. Thomas, sydd wedi bod yn aelod ward ar gyfer Cwmbwrla ers 1999, wedi dechrau ei swydd yn dilyn seremoni urddo yn Siambr y Cyngor, Neuadd y Ddinas.
Fel Arglwydd Faer, bydd gan y Cyng. Thomas rôl ddinesig a seremonïol bwysig fel llysgennad swyddogol ein dinas. Bydd hefyd yn ymwneud â chodi arian er sawl achos da lleol.
Meddai'r Cyng. Thomas, "Mae'n anrhydedd ac yn fraint enfawr cael gwasanaethu cymunedau Abertawe fel eu Harglwydd Faer yn y flwyddyn sydd i ddod."
"Dwi'n edrych ymlaen at fynd hwnt ac yma i gwrdd â phobl y ddinas wych hon rydym yn meddwl y byd ohoni, yn ogystal â chynrychioli Abertawe i ymwelwyr ac fel llysgennad ar adeg gyffrous iawn i'n cymunedau."
Fel rhan o'i flwyddyn yn y swydd, mae'r Arglwydd Faer yn aml yn dewis elusennau i'w cefnogi trwy gynnal digwyddiadau codi arian. Eleni, mae'r Cyng. Thomas wedi dewis Friends of the Young Disabled a Crisis Skyline.
Dewis iaith
Rhannu'r dudalen hon
Argraffu
